Քեսաբում հայերի տները թալանողները խոսում են թուրքերեն

Հասարակական07:10, 27 Մարտ 2014

Քեսաբում հայերի տները թալանողները խոսում են թուրքերեն

Թուրքիայի Հաթայ նահանգին սահմանակից սիրիական Քեսաբ հայաբնակ գյուղաքաղաքի և հարակից բնակավայրերի շուրջ ծավալվող վերջին օրերի իրադարձությունները լուսաբանվում են թուրքական ընդդիմադիր լրատվամիջոցների կողմից:

Մասնավորապես «Դեմոկրատ հաբեր» լրատվական կայքը, վկայակոչելով սիրիահայերից ստացված տեղեկությունները, ահազանգում է, որ Քեսաբից տեղահանված հայերի տները թալանողները թուրքերեն են խոսում:

Օրինակ` քեսաբցի Անի Բոյմուշաքյանը երբ զանգահարել է Քեսաբի հայ ավետարանական եկեղեցու գրասենյակ, լսափողի այն կողմից նրան թուրքերենով պատասխանել են Ասադի վարչակազմի դեմ պատերազմող ջիհադականնները: Իսկ մեկ այլ քեսաբցի հայի վկայությամբ` տեղահանվելուց հետո երբ նա զանգահարել է իր բնակարան, նրան պատասխանել են ապստամբ գրոհայինները` դարձյալ թուրքերենով:

Հիշեցնենք, որ Քեսաբի հայերը ստիպված լքել են իրենց բնակավայրը և ապաստանել Լաթաքիայում, քանի որ Թուրքիայի տարածքից ներխուժած իսլամիստ ծայրահեղականները զինված հարձակումներ են իրականացրել Քեսաբի վրա:

Ermenihaber.am