Ավելի քան 100 հոգի լքել է Էրդողանի ղեկավարած կուսակցությունը և միացել քրդական կուսակցությանը

Տարածաշրջան12:47, 27 Մարտ 2014

Ավելի քան 100 հոգի լքել է Էրդողանի ղեկավարած կուսակցությունը և միացել քրդական կուսակցությանը

Թուրքիայի Դիարբեքիր (պատմական Ամիդ) նահանգի Ալաթոսու քաղաքային համայնքի ղեկավար Սալիհ Օզեսենն ավելի քան 100 կուսակիցների հետ միասին լքել է Թուրքիայում իշխող «Արդարություն և զարգացում» կուսակցության (ԱԶԿ-AKP) շարքերը և միացել քրդական ընդդիմադիր «Խաղաղություն և ժողովրդավարություն» կուցակցությանը (ԽԺԿ-BDP):

Այս մասին տեղեկացնող քրդական «Firatnews» կայքը մեջբերել է արդեն նախկին ԱԶԿ-ական պաշտոնյա Սալիհ Օզեսենի խոսքը. «Այսօրվանից սկսած գիշեր-ցերեկ ընկերներիս հետ միասին լինելու եմ ժողովրդի կողքին: «ԽԺԿ»-ն բոլոր ճնշված ժողովուրդների կուսակցությունն է»:

Օզեսենը նաև նշել է, որ «ԽԺԿ»-ն Թուրքիայում գործող միակ կուսակցությունն է, որ պաշտպանում է քուրդ ժողովուրդների իրավունքները:

Դիմելով երկրի իշխանական կուսակցությանը` Օզեսենն ասել է. «Սա բոլորիս տունն է, «ԽԺԿ»-ն միայն քրդերինը չէ, այն նաև արաբների, հայերի ու մնացյալ ազգային փոքրամասնությունների կուսակցությունն է»:

Ողջունելով Օզեսենի այդ քայլը` ԽԺԿ-ական Ահմեթ Գեզենը և կուսակցության անունից շնորհակալություն հայտնել նրան:

Հիշեցնենք, որ մարտի 30-ին Թուրքիայում անցկացվելու են տեղական ինքնակառավարման մարմինների (ՏԻՄ) ընտրություններ: Կուսակցություններն այժմ գտնվում են նախընտրական թեժ պայքարի մեջ:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: