Թուրք պատգամավոր. «Թուրքիան շուտով կկանգնի սիրիացի հայերի ներգաղթի ալիքի առաջ»

Տարածաշրջան10:49, 26 Մարտ 2014

Թուրք պատգամավոր. «Թուրքիան շուտով կկանգնի սիրիացի հայերի ներգաղթի ալիքի առաջ»

Թուրքիայի ընդդիմադիր «Ազգայնական շարժում» կուսակցության (ԱՇԿ-MHP) պատգամավոր Շեֆիք Չիրքինը, անդրադառնալով թուրք-սիրիական սահմանամերձ բնակավայրերում տեղի ունեցող իրադարձություններին, հնարավոր է համարել, որ շուտով Սիրիայից կսկվի հայերի ու ալևիների արտագաղթի ալիք դեպի Թուրքիա:

«Առաջիկա օրերին Թուրքիան կարող է կանգնել սիրիացի հայերի ներգաղթի ալիքի առաջ: Հարկավոր է դրան պատրաստ լինել: Ալևիների ներգաղթ ևս կարող է լինել»,- ըստ թուրքական «Յենիչաղ» թերթի էլ-կայքի` նախազգուշացում է արել պատգամավոր Չիրքինը:

Վերջինս անհրաժեշտ է համարել հաշվի առնել բոլոր այն դժվարությունները և լարվածությունը, որոնք կարող են առաջանալ սահմանամերձ սիրիական բնակավայրերում տեղի ունեցող ռազմական գործողությունների հետևանքով: Ըստ նրա` Թուրքիան հասել է մի կետի, որը առավելագույն զգոնություն է պահանջում:

Մի՞թե Թուրքան կարող է փախստական ներգաղթյալների նոր հոսքը կանխել, այդ ու դրանից բխող հարցերին հնարավո՞ր է լուծում տալ: Ընդդիմադիր պատգամավորը շեշտում է, որ հենց նշյալ կարևոր հարցերի մասին պիտի մտածի Թուրքիայում իշխող «Արդարություն և զարգացում» կուսակցությունը (ԱԶԿ-AKP): Բայց փոխանակ դա անեն, ըստ Չիրքինի, Թուրքիայի իշխանություններն ավելի են սրում լարվածությունը:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: