Թուրքիան պարտավորվել է ԱՄՆ-ին հանձնել հարստացված ուրանի և պլուտոնիումի իր պաշարները

Տնտեսական07:38, 25 Մարտ 2014

Թուրքիան պարտավորվել է ԱՄՆ-ին հանձնել հարստացված ուրանի և պլուտոնիումի իր պաշարները

Հաագայում կազմակերպված Միջուկային անվտանգության հարցերով 3-րդ միջազգային գագաթաժողովի հայտարարության տակ իր ստորագրությունը դրած Թուրքիան պարտավորվել է միջուկային ռումբ և հրթիռ չստեղծել: Թուրքիան նաև խոստացել է Միացյալ Նահանգներին հանձնել երկար տարիներ գաղտնի պահվող իր գրեթե կես տոննա հարստացված ուրանը և պլուտոնիումը, որոնք ենթակա են օգտագործման միջուկային զենքի արտադրությունում:

Այս մասին տեղեկացնող թուրքական լրատվամիջոցները հայտնում են նաև, որ Հաագայում թուրքական պատվիրակության ղեկավար, երկրի նախագահ Աբդուլլահ Գյուլը ճեպազրույց է ունեցել ԱՄՆ նախագահ Բարաք Օբամայի հետ Թուրքիայում կառուցվելիք ատոմակայանի հարցի շուրջ:

Նշենք, որ Ռուսաստանի և Ճապոնիայի հետ կնքված համագործակցության պայմանագրերի համաձայն` վերջիններիս օգնությամբ Թուրքիայում նախատեսված է կառուցել ատոմային էներգիայի արտադրության 2 կայան, որոնք միտված կլինեն որոշակիորեն նվազեցնել Թուրքիայի էներգետիկ կախվածությունն արտերկրից:

Ermenihaber.am