Թուրքական կայք. «1915-ից փրկված հայերը թիրախ եղան Քեսաբում»

Տարածաշրջան12:17, 25 Մարտ 2014

Թուրքական կայք. «1915-ից փրկված հայերը թիրախ եղան Քեսաբում»

1915-ից փրկված հայերը թիրախ եղան Քեսաբում: Նման հրապրակումով է հանդես եկել թուրքական «դեմոկրատ հաբեր» անկախ լրատվական կայքը` նշելով, որ հայերն այժմ ստիպված են զանգվածաբար լքել Քեսաբը: Գերազանցապես հայերով բնակեցված սիրիական այդ բնակավայր իսլամիստ ծայրահեղականների զինված գրոհների հետևանքով անցել է վերջիններիս հսկողության տակ: Սիրիական բանակի դեմ կռվող հակառավարական ուժերը, ըստ աղբյուրի, «Իսլամական ճակատ» և «Էլ Նուսրա» արմատական հայացքներով կազմակերպությունների զինյալներն են:

Պաշտոնական Դամասկոսը մեղադրել է Անկարային ապստամբ գրոհայիններին աջակցելու և իր տարածքից Սիրիա ներխուժել թույլ տալու մեջ:

«Այն բանից հետո, երբ Քեսաբն անցավ զինյալ գրոհայինների հսկողության տակ, շուրջ 5000 քեսաբցի հայեր գաղթեցին Լաթաքիա: Թուրքիայի միակ հայկական գյուղ հանդիսացող Վաքըֆլը գյուղի բնակիչներն անհանգստանում են Քեսաբի իրենց ազգականների անվտանգությամբ»,- գրում է վերոնշյալ կայքը:

Նույն աղբյուրի տեղեկացմամբ` Վաքըֆլըի հայկական եկեղեցու քահանա Ավետիս Թաբաշյանը հայտնել է, որ շուրջ 3 հազար հայեր այժմ ապաստանում են Լաթաքիայի եկեղեցիներում: Անհնար է դարձել նրանց արտագաղթը դեպի Թուրքիա, քանի որ գրոհայիններն ամբողջ երկայնքով կրակի տակ են պահում թուրք-սիրիական սահմանի համապատասխան հատվածը:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: