Թուրք նախարարը բնապահպան ակտիվիստներին կոչ է արել հետաքրքրվել Մեծամորի ատոմակայանով

Տարածաշրջան09:51, 22 Մարտ 2014

Թուրք նախարարը բնապահպան ակտիվիստներին կոչ է արել հետաքրքրվել Մեծամորի ատոմակայանով

Թուրքիայի էներգետիկայի ու բնական պաշարների նախարար Թաներ Յըլդըզը կոչով դիմել է բնապահպանական շարժման ակտիվիստներին, որոնք հայտնի են «գեզիականներ» անունով` Ստամբուլի Գեզի զբոսայգու պահպանման համար մղված պայքարի կապակցությամբ:

Ըստ «Թուրքիյեգազեթեսի» կայքի` նախարարը գեզիականներին ասել է, եթե ցանկանում եք բարի գործ անել, ապա հետաքրքվեք Իգդիրից 30կմ հեռավորության վրա գտնվող Մեծամորի հայկական ատոմակայանով: Յըլդըզը հայտարարել է, որ հայ-թուրքական սահմանին մոտ գտնվող Մեծամորի ատոմակայանն արդեն հնացած է, մեծ ռիսկ է ներկայացնում Թուրքիայի համար, հետևաբար իրենք գործի են անցել` փակել տալու այդ ատոմակայանը:

Նշենք, որ հայկական կողմը քանիցս պարզաբանումներ է տվել Թուրքիայի հնչեցրած վտանգավորության կեղծ մտահոգությունների վերաբերյալ: Հայաստանի ատոմային էլեկտրակայանի (ՀԱԷԿ) անվտանգության մակարդակը համապատասխանում է ՄԱԳԱՏԵ-ի կողմից ներկայացվող չափանիշներին: Ատոմային էներգիայի միջազգային գործակալության հատուկ առաքելությունը խիստ լայնածավալ և բարդ ստուգումներ է անցկացրել, որի արդյունքներով` հայկական ատոմակայանի անվտանգության մակարդակը դրական գնահատականի է արժանացել:

Հիշեցնենք, որ Թուրքիայում Մեծամորի ատոմակայանի շուրջ քննարկումները սկսվեցին այն բանից հետո, երբ լրատվամիջոցները հաղորդեցին, որ պաշտոնական Երևանը որոշել է ևս 10 տարով երկարաձգել միջուկային կայանի աշխատանքը՝ մինչև 2023 թվականը:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: