«Հյուրիյեթ» և «Սաբահ» թերթերը հրաժարվել են տպագրել Սևան Նիշանյանի մասին հայտարարությունը

Հասարակական14:20, 20 Մարտ 2014

«Հյուրիյեթ» և «Սաբահ» թերթերը հրաժարվել են տպագրել Սևան Նիշանյանի մասին հայտարարությունը

Թուրքական «Լիբերալ-դեմոկրատական» կուսակցության հիմնադիր Բեսիմ Թիբուքը հայտարարել է, որ «Հյուրիյեթ» և «Սաբահ» պարբերականներ գրաքննության են կատարում: Թիբուքը, որպես ապացույց նշել է, որ վերոհիշյալ պարբերականները չեն հրապարակել Սևան Նիշանյանի վերաբերյալ իր հայտարարությունը:

Թիբուքը հայտնել է, որ իր հայտարարությունը չտպագրելու որոշում կայացրել են թերթերի իրավաբանական բաժինները և որպես փաստարկ նշել են հայտարարություն այն հատվածը, որը վերաբերում է ապօրինի շինարարությանը:

Թիբուքը, դժգոհելով Նիշանյանի դրության նկատմամբ հասարակության ցուցաբերած անտարբերությունից, ընդգծել է, որ նախկինում ոչ ոք Շիրինջե գյուղի մասին չգիտեր: «Այն, որ այժմ գյուղացիները հուշանվերներ են պատրաստում, գինի են վաճառում, միայն Սևանի շնորհիվ է: Այդ ամենը մեկ մարդու ջանքերով է ստեղծվել, և երկրորդ Սևան չկա»,-հայտարարել է Թիբուքը:

Տեղեկացնենք, որ թուրքական «Թարաֆ» և «Սոզջու» թերթերը օրեր առաջ հրապարակել էին Բեսիմ Թիբուքի հայտարարությունը, որում մասնավորապես նշված է. «Իմ սիրելի ընկե՛ր, Սևան Նիշանյան, քեզ սիրում ենք: Դու մեզ պետք ես: Ի՞նչ գործ ունես՝ Շիրինջեն ես շենացնում, գյուղում ապօրինի շինարարություն անում (այն էլ քո սեփական հողի վրա)… Գիրնե ա՛րի, քեզ այստեղ ծովի տեսարանով ամառանոց կնվիրենք»:

Ermenihaber.am