Սևան Նիշանյանի ազատ արձակման համար ստեղծվել է միջազգային կոմիտե

Հասարակական09:00, 19 Մարտ 2014

Սևան Նիշանյանի ազատ արձակման համար ստեղծվել է միջազգային կոմիտե

Պոլսահայ անվանի գրող, լեզվաբան Սևան Նիշանյանի ազատ արձակման համար պայքարող միջազգային կոմիտե է ստեղծվել: Այն կոչվում է «Ազատություն Սևան Նիշանյանին»: Ապօրինի կառուցապատման մեղադրանքով 2 տարի ժամկտեով ազատազրկված Սևան Նիշանյանը, ըստ նշյալ կոմիտեի, զոհ է գնում թուրքական պետության պատժիչ մեխանիզմներին:

Նշյալ միջազգային կոմիտեն տարածել է գրավոր հայտարարություն, որի մեջ մասնավորապես ասվում է.

«Նիշանյանի բանտարկությունը դիտվում է որպես խտրականության և քինախնդրության պարզ դրսևորում: Թուրքիայի պաշտոնական թեզերի հաշտ չլինելու պատճառով է, որ ընդդիմադիր հայացքների տեր հայ մտավորական Նիշանյանն արժանանում նման վատ վերաբերմունքի: Թուրքիայի իշխանություններին կոչ ենք անում անհապաղ ազատ արձակել Սևան Նիշանյանին և վերջ դնել նրա դեմ կիրառվող ճնշումներին ու բռնարարքներին»:

Կոմիտեն փորձելու է իր պայքարի աշխարհագրությունն ընդլայնել` դիմելով նաև միջազգային իրավապաշտպան կազմակերպություններին, մարդու իրավունքների պաշտպանությամբ զբաղվող հաստատություններին և առհասարակ միջազգային հանրությանը:

Ինչպես տեղեկացնում է, թուրքական «T24» լրատվական կայքը, կոմիտեի կազմում ներգրավված են թուրք այլախոհ մտավորականներ, ինչպես նաև ազգությամբ հայ բազմաթիվ գործիչներ:

Ermenihaber.am