Գաղտնալսված հեռախոսազրույցներ. Էրդողանը կարգադրում է գործից հեռացնել լրագրողների

Տարածաշրջան10:33, 18 Մարտ 2014

Գաղտնալսված հեռախոսազրույցներ. Էրդողանը կարգադրում է գործից հեռացնել լրագրողների

Թուրքիայի վարչապետ Ռեջեփ Թայիփ Էրդողանի անունը դարձյալ հայտնվել է սկանդալային պատմության մեջ: Ըստ թուրքական «Ինտերնետ հաբեր» լրատվական կայքի հայտնած տեղեկության` Twitter միկրոբլոգի միջոցով տարածվել են գաղտնալսված հեռախոսազրույցների ձայնագրություններ, որոնք վերագրվում են Էրդողանին և «Star Medya Grup»-ի նախագահ Մուստաֆա Քարաալիօղլուին: Խոսակցության թեման «Սթար» թերթի նախկին հոդվածագիր Մեհմեթ Ալթանին և պահպանողական գրող տկն Հիդայեթ Շեֆքաթլի Թուքսալին աշխատանքից հեռացնելն է:

Ըստ առաջին ձայնագրության` Էրդողանը դժգոհել է, որ Հիդայեթ Շեֆքաթլի Թուքսալը քննադատում է կառավարությանը և հրահանգել է նրան հեռացնել աշխատանքից: Քարաալիօղլուն էլ հնազանդորեն արձագանքել է, թե. «Այո, կզբաղվեմ այդ հարցով»:

Երկրորդ ձայնագրությունից պարզ է դառնում, որ Էրդողանը կարգադրում է գործից հեռացնել հոդվածագիր Մեհմեթ Ալթանին: «Շուտափույթ կերպով դա պետք է արվի»,- Քարաալիօղլուի հետ զրույցը եզրափակում է Էրդողանը:

Հիշեցնենք, որ ավելի վաղ հանրայնացվել էր մեկ այլ գաղտնալսված ձայնագրություն ևս, որի հերոսը կրկին վարչապետ Էրդողանն էր: Ըստ այդ ձայնագրության, որը խորհրդարանում հնչեցրել էին ընդդիմադիր պատգամավորները, Թուրքիայի վարչապետը գրաքննության հրահանգներ էր տվել «ՀաբերԹուրք» լրատվական ծառայությանը:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: