Թուրքիայում թվիթերյան գրառումների ռեկորդ` 2 օրում 14 մլն

Հասարակական09:58, 14 Մարտ 2014

Թուրքիայում թվիթերյան գրառումների ռեկորդ` 2 օրում 14 մլն

Թուրքիայի համացանցի վերաբերյալ 2013 թվականի զեկույցի համաձայն` այդ երկրում ինտերնետից օգտվողների թիվը մոտավորապես կազմում է 40 մլն: Ազատ խոսքի հետապնդումների և մամուլի անազատության պայմաններում Թուրքիայում կարևոր հարթակի դեր է ստացել սոցմեդիան (Twitter, FaceBook): Իշխանական և իշխանամետ լրատվամիջոցներին հակակշռող ընդդիմադիր ԶԼՄ-ների գործառույթը որոշ չափով իրականացնում է նաև սոցմեդիան, որն ակտիվանում է հատկապես կառավարության դեմ բարձրացվող հանրային բողոքի ալիքի ժամանակ:

Օրերս, երբ մահացավ 2013-ի Գեզիի ցույցերի ժամանակ ոստիկանների կողմից վիրավորված և ամիսներ շարունակ կոմայի մեջ ընկած 15-ամյա Բերքին Էլվանը, մեծ ակտիվություն է նկատվել սոցկայքերում, մասնավորապես` Twitter միկրոբլոգում: Թուրքական «Գազեթեփորթ» կայքը տեղեկացնում է, որ 2 օրվա ընթացքում Էլվանի վերաբերյալ 14 մլն գրառում է կատարվել Twitter-ում: Այդ գրառումները դիտել է շուրջ 70 մլն օգտատեր: Սա համարվում է ռեկորդային ցուցանիշ Թուրքիայի համար: Նշվում է նաև, որ 2013 թվականի դրությամբ Twitter միկրոբլոգից Թուրքիայում օգտվում է 12 մլն քաղաքացի:

Ermenihaber.am