Էլիֆ Շաֆաք. «Դեմոկրատիան Թուրքիայում անհետացավ»

Հասարակական13:37, 14 Մարտ 2014

Էլիֆ Շաֆաք. «Դեմոկրատիան Թուրքիայում անհետացավ»

Թուրք գրող Էլիֆ Շաֆաքը բրիտանական «The Guardian» պարբերականում հրապարակած իր հոդվածում խոսում է Թուրքիայի դատաիրավական համակարգի ահավորության և դրա հետևանքով տեղի ունեցող ողբերգությունների մասին: Նա պատմում է մասնագիտությամբ ճարտարապետ Յասեր Օնուր Ջանի մասին, ով ոստիկաննների կտտանքների և հալածանքների հետևանքով ինքնասպան է լինում: Որդու օրինակին հետևում է մայրը: Իսկ ինքնասպանության հասցնելու համար պատասխանատու ոստիկաններին դատարանի առջև կանգնեցնելու Շաֆաքի ընտանիքի ջանքերն արդյունք չեն տալիս:

Այնուհետև հոդվածի հեղինակը ուշադրություն է հրավիրում այն փաստի վրա, որ Թուրքիայում իշխանությունները դաժանորեն ճնշում են բողոքի ցույցերը, ուժ կիրառում իրենց դժգոհությունն արտահայտող զանգվածներին ցրելու համար:

Շաֆաքն ափսոսանք է հայտնում, որ ներկայիս իշխանությունների պատճառով Թուրքիայում հետզհետե կորում է հարգանքը պետության նկատմամբ, մինչդեռ թուրքերը մշտապես իրենց զավակների մեջ հարգանք են սերմանել դեպի պետությունը` նրանց հաճախ տալով հենց Devlet (թուրքերենից թարգմանաբար` պետություն) անունը:

«Պահպանողականների և աշխարհիկների միջև բաժանված Թուրքիան այժմ կանգնել է նոր բևեռացմանը դեմ հանդիման»,- եզրակացնում է հեղինակը` ընդգծելով, որ երկրում զգալի կորուստներ կան ժողովրդավարության տեսանկյունից:

Ermenihaber.am