Թուրք ոստիկանը դեռահաս ցուցարարին գազային ատրճանակ է տալիս. սկանդալային տեսագրություն

Հասարակական13:33, 13 Մարտ 2014

Թուրք ոստիկանը դեռահաս ցուցարարին գազային ատրճանակ է տալիս. սկանդալային տեսագրություն

Բերքին Էլվանի մահվան կապակցությամբ Ստամբուլի Թաքսիմ հրապարակում իրենց բողոքն ու դժգոհությունն արտահայտող ցուցարարներն ապշեցուցիչ տեսարանի են ականատես եղել: Այն, ինչ կատարվել է Թաքսիմում, վայրկյան առ վայրկյան արձանագրվել է փողոցի տեսախցիկների կողմից:

Թուրքական «Ջումհուրիյեթ» թերթի էլ-կայքը հրապարակել է այդ տեսագրությունը, թե ինչպես է ոստիկաններից մեկը 9-10 տարեկան մի դեռահաս ցուցարարի տալիս է գազային ատրճանակ: Պատանին էլ վերցնում է զենքն ու ակամա նշան բռնում ցուցարաների վրա: Բարեբախտաբար վատ ավարտ չի ունեցել, բայց ոստիկանի այդ պահվածքն էլ ավելի է բորբոքել հանրության զայրույթը:

Հիշեցնենք, որ Բերքին Էլվանը Թուրքիայի ալևի կրոնական համայնքի ներկայացուցիչներից է, նա Գեզիի հակակառավարական ցույցերի ժամանակ ոստիկանների կողմից գլխի շրջանում ծանր վիրավորում էր ստացել և ամիսներ շարունակ գտնվելով կոմայի մեջ մահացել էր մարտի 11-ին: Պատանու մահը հանրային դժգոհության մեծ ալիք է բարձրացրել Ստամբուլում և Թուրքիայի այլ քաղաքներում:

Ermenihaber.am