Տարածաշրջան08:57, 12 Մարտ 2014
Թուրքիայում բանտից ազատ է արձակվել հերթական հակահայ գործիչը
Թուրքական դատարանի որոշմամբ արդարացման վճիռ է կայացվել «Էրգենեքոն»-ի քրգործով ազատազրկված հերթական դատապարտյալների նկատմամբ: Վերջին օրերին ազատ արձակվածների թիվն արդեն գերազանցում է երեք տասնյակը:
Ըստ` թուրքական «Հյուրրիյեթ» պարբերակականի` Ստամբուլի դատարանի կայացրած վճռով այժմ ազատ են արձակվել 2013-ին ցմահ ազատազրկման դատապարտված բրիգադի պաշտոնաթող գեներալ Վելի Քյուչուքը:
Նրա հետ միասին ազատ են արձակվել նույն քրգործով դատապարտված մեկ այլ գեներալ Լևենթ Էրսյոզը, գնդապետ Ֆուաթ Սելվին և իրավաբ Սերդար Օզթուրքը: Ազատ արձակումից հետո, սակայնմ նրանց արգելված է մեկնել այլ երկիր: Նրանք լինելու են իրավապահների հսկողության ներքո:
70-ամյա -Վելի Քյուչուքը նախկինում հրամանատարական կարևոր պաշտոններ է զբաղեցրել Էդիրնեի, Վանի, Էսքիշեհիրի, Քոջաելիի և Հաթայի ժանդարմերիայում, իսկ գեներալի զինվորական կոչում ստանալուց հետո (1996թ.) ծառայության է անցել Գիրեսունի ժանդարմերիական ուժերում: Նա ձերբակալվել էր 2008 թվականի հունվարի 22-ին «Էրգենեքոն»-ի դեմ իրականացված օպերացիայի արդյունքում: Վելի Քյուչուքը մեղադրվում էր ժողովրդին խռովությունների հրահրելու և Թուրքիայում իշխանության բռնազավթում պլանավորած «Էրգենեքոն» հանցավոր խմբավորման ստեղծման գործում մասնակցություն ունենալու մեջ:
Քյուչուքը հայտնի է որպես ընդգծված հակահայ գործիչ: Թուրքական մամուլի որոշ հրապարակումներում նրան մինչևանգամ վերագրվել է հայկական ծագում: Հայտնի է, որ Քյուչուքը շատ լավ տիրապետում է հայերենին: Նրա անունը կապվում է պոլսահայ ականավոր գործիչ Հրանտ Դինքին հալածանքների ենթարկելու և սպանությունը կազմակերպելու պատմության հետ: Մասնավորապես Քյուչուքը մեղադրվում էր Տրապիզոնի ժանդարմերիայի կայազորի հրամանատար գնդապետ Ալի Օզին Դինքին սպանելու հրաման տալու մեջ: Ի պատասխան իրեն հասցեագրված այդ մեղադրանքներին` Քյուչուքը դատարանի դահլիճում ասել էր. «Անձամբ չեմ ճանաչել Հրանտ Դինքին, նրա հետ ուղղակի կամ միջնորդի միջոցով որևէ հանդիպում չեմ ունեցել: Ես նրան չեմ սիրել: Սիրելու պարտավորություն էլ չունեի: Սակայն սպանությանը հավանություն չեմ տալիս»:
Տեղեկություններ կան այն մասին, որ Վելի Քյուչուքը հեռախոսով սպառնացել է Դինքին: Այդ մասին Դինքը պատմել էր Թաներ Աքչամին` ասելով. «Առ այսօր նման սպառնալիքներին ուշադրություն չէի դարձնում, բայց սպառնացողը եթե Վելի Քյուչուքն է, ապա կնշանակի դրանք չափազանց լուրջ են»:
Հիշեցնենք, որ նախօրեին ազատ էր արձակվել ևս մեկ հակահայ թուրք գործիչ, Թուրքիայի «Աշխատավորական կուսակցության» նախագահ Դողու Փերինչեքը: Նա տարիներ առաջ Շվեյցրարիայում հրապարակայնորեն ժխտել էր Հայոց ցեղասպանությունը և դրա համար դատապարտվել շվեյցարական դատարանի կողմից:
Ermenihaber.am
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |