Թուրք գործարար կանայք պայքարում են հայ-թուրքական սահմանի բացման համար

Հասարակական11:43, 12 Մարտ 2014

Թուրք գործարար կանայք պայքարում են հայ-թուրքական սահմանի բացման համար

Թուրքիայում գործող «Արևելյան և հարավ-արևելյան շրջանների գործարար կանանց միությունը» (DOGÜNKAD) ցանկանում է, որպեսզի հայ-թուրքական սահմանը բացվի:

2011 թվականին 30 կանանց կողմից ստեղծված միության գործադիր խորհրդի ղեկավար Նևին Իլը հայտնել է, որ Հայաստանի հետ սահմանի բացման դեպքում կազմակերպության արտահանումը 50 տոկոսով կավելանա:

Համաձայն Նևին Իլի հաշվարկների՝ ներկայումս Հայաստան կատարվող արտահանման արժեքը ավելանում է մոտ 300 տոկոսով, քանի որ երկու հարևան պետությունների միջև սահմանը փակ է և արտահանումը կատարվում է ոչ թե ուղիղ, այլ Վրաստանի տարածքով:

Տարածաշրջանի մի շարք պետությունների հետ համագործակցող կազմակերպության ղեկավարը հայտնել է, որ առաջինը համագործակցել են Հայաստանի գործարար կանանց խորհրդի հետ՝ մի նախագիծ իրականացնելով: Հետագայում արդեն պայմնագրեր են կնքել այլ ընկերությունների հետ և այժմ համագործակցության պայմանագիր ունեն շուրջ 10 կազմակերպության հետ:

«Հայաստանի հետ սահմանը փակ է, ինչի պատճառով մենք Հայաստան ապրանք ենք ուղարկում Վրաստանի տարածքով: Մենք այստեղից ավտոբուսով 35 ժամ ճանապարհ ենք գնում Հայաստան հասնելու համար, մինչդեռ մեքենայով կարող ենք 6 ժամում հասնել: Անհրաժեշտ է սահմանը բացել: Սա առևտրի տեսանկյունից շատ կարևոր է»,- Նևին Իլի խոսքերը մեջբերել է թուրքական «Ինտերնետ հաբեր» լրատվական կայքը:

Ermenihaber.am