Էրդողանին մի քանի անգամ թունավորել են

Տարածաշրջան13:32, 12 Մարտ 2014

Էրդողանին մի քանի անգամ թունավորել են

Թուրքիայի Յալովա քաղաքում անցկացված «Արդարություն և զարգացում» կուսակցության (ԱԶկ) կանանց թևի կողմից կազմակերպվելէ «Երեկվա և այսօրվա քաղաքականությունը» թեմայով համաժողով: «Սի Էն Էն թուրք»-ի հաղորդմամբ՝ համաժողովին ելույթ ունեցած գրող, լրագրող Աբդուրահման Դիլիփաքը խոսել է Թուրքիայի վարչապետ Ռեջեփ Թայիփ Էրդողանի դեմ իրականացված անհաջող մահափորձերի մասին:

Ըստ Դիլիփաքի՝ Էրդողանին թունավորել են մեքենայում, որից չի կարողացել դուրս գալ: Միայն վերջին պահին է կարողացել մուրճի պես մի բան գտնել, ինչի օգնությամբ կարողացել է կոտրել ապակին ու մի կերպ փրկվել: Լրագրողի խոսքերով Էրդողանին փորձել են թունավորել նաև կալանավայրում:

Թայիփ Էրդողանի վրա մահափորձ են ցանկացել իրականցնել հիվանդանոցում: Ըստ Դիլիփաքի՝ ծրագրված է եղել, որ վարչապետը վիրահատությունից չպիտի կենդանի դուրս գար, ինչի համար անմիջապես պիտի ձերբակալվեր MİT-ի (Թուրքիայի ազգային հետախուզական ծառայություն) փոխնախագահը: Այս մահափորձը ևս մնացածների պես իր արդյունքին չի հասել:

Ըստ Աբդուրահման Դիլիփաքի՝ Էրդողանի նկատմամբ ընդհանուր առմամբ 20-ից ավելի մահափորձ է իրականացվել:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: