Թուրքիայում «Էրգենեքոնի» գործով դատապարտվածների ազատ արձակումը շարունակվում է

Տարածաշրջան16:45, 11 Մարտ 2014

Թուրքիայում «Էրգենեքոնի» գործով դատապարտվածների ազատ արձակումը շարունակվում է

Թուրքիայում մարտի 7-ին «Էրգենեքոնի» գործով ցմահ դատապարտված զինված ուժերի (ԶՈւ) գլխավոր շտաբի նախկին պետ Իլքեր Բաշբուղի ազատ արձակումից հետո երեկ էլ ազատ էին արձակվել նույն գործով դատապարտված ավելի քան մեկ տասնյակից դատապարտյալներ: Թուրքական մամուլի հրապարալումներից պարզ է դառնում, որ ազատ արձակումները շարունակական բնույթ են կրում:

Նրանց շարքերում կան զինվորականներ, գրողներ, հրատարակիչներ, փաստաբաններ, լրագրողներ պահեստազորի բարձրաստիճան սպաներ, այդ թվում՝ ազգայնականի համբավ ունեցող «Աշխատավորական կուսակցության» առաջնորդ, ցմահ ազատազրկման դատապարտված հակահայ գործիչ Դողու Փերինչեքը, Պոլսի հայոց պատրիարք Մեսրոպ Մութաֆյանի վրա իրականացված մահափորձը կազմակերպած Թուրքիայի հատուկ նշանակության ջոկատի նախկին փոխտնօրեն Իբրահիմ Շահինը և այլք:

Վերջին լուրերի համաձայն՝ ազատ արձակվածների թիվն անցել է 3 տասնյակը:

Նշենք, որ «Էրգենեկոն»-ը Թուրքիայում գործունեություն ծավալած գաղտնի ծայրահեղ ազգայնականների կազմակերպություն է, որի անդամներից են Թուրքիայի զինված ուժերի և անվտանգության ծառայությունների որոշ բարձրաստիճան ղեկավարները, որոնք մեղադրվում են Թուրքիայում պետական հեղաշրջում կազմակերպելու փորձի մեջ: Կազմակերպությունը անվանվել է ի պատիվ Ալթայի լեռներում առասպելական վայրի, որը, համաձայն թյուրքական լեգենդների, համարվում է բոլոր թյուրքերի հայրենիքը:

Ենթադրվում է, որ կազմակերպության առաջնորդը նախկին գեներալ Վելի Քյուչյուքն է։ Իշխանությունները Էրգենեկոնը համարում են ահաբեկչական կազմակերպություն։ Ըստ Թուրքիայի հանրապետական դատախազության, Էրգենեկոնի հիմնական նպատակն է հիմք նախապատրաստել ռազմական հեղաշրջում կատարելու համար:

«Էրգենեկոն»-ի գործով ձեռբակալվել է ավելի քան հարյուր մարդ` պետական հեղաշրջում պատրաստելու մեղադրանքով։ «Էրգենեկոն» գաղտնի կազմակերպության գործը հարուցվել է 2007 թվականի հունիսին:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: