Թուրքիայի ցամաքային զորքերի հրամանատարը Բաքվում է

Տարածաշրջան07:43, 11 Մարտ 2014

Թուրքիայի ցամաքային զորքերի հրամանատարը Բաքվում է

Թուրքիայի զինված ուժերի (ԶՈւ) ցամաքային զորքերի հրամանատար, բանակի գեներալ Հուլուսի Աքարը այցով գտնվում է Ադրբեջանի մայրաքաղաք Բաքվում: Թուրք գեներալը հանդիպում է ունեցել Ադրբեջանի պաշտպանության նախարար, բանակի գեներալ Զաքիր Հասանովի հետ: Կողմերը վերահաստատել են երկու երկրների միջև եղած բարեկամական և եղբայրական հարաբերությունները և դրանց շրջանակներում հետագա զարգացումն ապահովելու վճռականություն է ընդգծվել: Քննարկումների օրակարգում եղել են Թուրքիա-Ադրբեջան ռազմական կապերը և փոխադարձ հետաքրքրություն ներկայացնող այլ թեմաներ ևս:

Տարածաշրջանի ռազմաքաղաքական դրությանն անդրադառնալիս` ադրբեջանցի նախարարը նշել է, թե Հայաստանը սպառնալիք է ստեղծում տարածաշրջանի խաղաղության համար և կարևորել է Լեռնային Ղարաբաղի հիմնախնդրի կարգավորումը միջազգայի իրավունքի նորմերի համաձայն:

Ըստ «Սոնդաքիքա» լրատվական կայքի` թուրք գեներալը, շեշտելով, որ Թուրքիան և Ադրբեջանը կարևոր գործընկեր են, վստահություն է հայտնել, որ հարաբերությունների ջերմությունը կշարունակվի:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: