Թուրքիայում ՏԻՄ ընտրությունների կանխատեսումները

Տարածաշրջան10:01, 10 Մարտ 2014

Թուրքիայում ՏԻՄ ընտրությունների կանխատեսումները

Թուրքիայում մարտի 30-ին կայանալիք ինքնակառավարման մարմինների ընտրություններից (ՏԻՄ) 20 օր առաջ մամուլը ողողվել է սոցհարցումների տվյալներով: Թուրքական «Վաթան» թերթի հոդվածագիր Հուսեյին Յայմանը զրուցել է հայտնի 3 խոշոր KONDA, ANAR, AG վիճակագրական ընկերությունների ղեկավարների հետ, որոնք, ըստ հոդվածագրի, անկողմանկալ են իրենց գնահատականներում:

Յայմանը 3 փորձագետների կարծիքները մեկտեղել է 6 կետերի մեջ:

ՏԻՄ ընտրությունները վերածվել են հանրաքվեի և այդ իրավիճակն ընդդիմության դեմ է աշխատում:
Հասարակական և քաղաքական բևեռացումը մեծացել է և հասել աննախադեպ չափերի:
Կուսակցությունների միջև փոփոխություններ չեն լինի:
Քանի դեռ ընդդիմությունը հասարակությանն ապագայի հարցում որևէ խոստում չի տվել, իշխանությանը որևէ այլընտրանք չի կարող լինել:
Եթե անգամ «Արդարություն և զարգացում» կուսակցությունը (ԱԶԿ-AKP), ի համեմատություն խորհրդարանական ընտրությունների, քվե կորցնի, միևնույն է առաջինն է լինելու:
Ընդդիմադիր «Ժողովրդահանրապետական» կուսակցության (ԺՀԿ-CHP) քվեները կավելանան՝ համեմատած խորհրդարանական ընտրությունների հետ:

Ըստ փորձագետների՝ ՏԻՄ ընտրություններում առաջատար եռյակը հետևյալ տեսքը կունենա.

Բեքիր Աղըրդաղ (KONDA)
ԱԶԿ՝ 42-43 տոկոս

Իբրահիմ Ուսլու (ANAR)
ԱԶԿ՝ 45 %
ԺՀԿ՝ 28-29%
«Ազգայնական շարժում կուսակցոություն» (ԱՇԿ-MHP)՝ 14%

Ադիլ Գյուռ (AG)
ԱԶԿ՝46-47%
ԺՀԿ՝ 26-27%
ԱՇԿ՝ 14-15%

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: