Տարածաշրջան13:15, 10 Մարտ 2014
Թուրք հոդվածագիր. «Մի հայի համար փողոցները լցվեցիք, իսկ ի՞նչ եք անում այդքան ղրիմցիների համար»
Թուրքական «Միլլիյեթ» թերթում հրապարակվել է «Մեկ հայի մահով հայ դարձածներին» վերնագրով հոդվածը, որում կոչ է արվում աջակցել Ղրիմում բնակվող իրենց թաթար ազգակիցներին: Ազեր Հասրեթ անունով թուրք հոդվածագրը նշում է, որ Ղրիմում բնակվող թաթարները զտարյուն թուրքեր են, որոնց հայրենիքը՝ Ղրիմը, ռուսական զինուժի կողմից օկուպացված վիճակում է գտնվում:
Հոդվածագիրը, հիշեցնելով իր բնորոշմամբ Ղրիմցի թուրքերի կենդանի լեգենդ առաջնորդի՝ Մուստաֆա Քըրըմօղլուի «Ադրբեջանը, Ղազախստանը, և Թուրքիան պետք է մեզ անհապաղ օգնություն ցույց տան» խոսքերը, նշում է, որ թաթարներն իրենց ամեն օր օգնության են կանչում: Հասրեթի խոսքերով Ղրիմում վիճակն այժմ օրհասական է, այլապես նրանք (թաթարները) օգնություն չէին խնդրի: Ու այդ վիճակն այնքան օրհասական է, որ Ղրիմը կարող է ձեռքից գնալ:
Այնուհետև Հասրեթը հռետորական հարց է տալիս, թե ինչ են իրենք անում՝ ասելով, որ բավարարվում են միայն հեռուստատեսային ելույթներով, որտեղ առավելագույնը ասում են, թե թույլ չեն տա Ռուսաստանին Ղրիմը կուլ տալ:
Այնուհետև հոդվածագիրը պատասխանում է հնարավոր այն հարցադրմանը, թե ինչ կարող են անել, ասելով. «Պատասխանը շատ պարզ է. ժամանակին, երբ մի հայ մահացավ, փողոցները ողողեցիք «Բոլորս հայ ենք» կարգախոսներով: Հիմա էլ Ստամբուլի, Անկարայի, Իզմիրի, Բուրսայի փողոցները ողողեք «Բոլորս ղրիմցի ենք», «Ղրիմը չենք տա ոչ-ոքի», «Ռուսաստան, հեռացիր Ղրիմից» կարգախոսներով: Այո այդպես արեք:
Թուրքիայի, Ադրբեջանի, Ուզբեկստանի, Թուրքմենստանի, «Հյուսիսային Կիպրոսի Հանրապետության» փողոցներն ու դահլիճները այնքան ժամանակ պետք է ողողված լինեն վերոնշյալ կարգախոսներով, մինչև Ռուսաստանը դուրս գա Ղրիմից: Ռուսները կապված են Ուկրաինայի հետ, բայց պետք է դուրս գան ոչ Ուկրաինային, ոչ էլ մեկ այլ պետության պատկանող Ղրիմից:
Մեկ հայի համար տասնյակ հազարավոր մարդիկ փողոց դուրս եկան, հարյուր հազարավոր ղրիմցիների համար տասնայակ միլիոնավոր մարդիկ պետք է դուրս գան»:
Ermenihaber.am
Այս ենթաբաժնի վերջին նորությունները
Հեռախոսազրույց են ունեցել Թուրքիայի ու Ադրբեջանի արտգործնախարարները:
Դիարբեքիրի նահանգում գտնվող նավթահորի պայթյունը, նախնական տվյալներով, գրանցվել է գազի արտահոսքի պատճառով:
Սկզբում տարեկան կմատակակարվի 1.2 մլրդ խմ գազ Հալեպ և Հոմս քաղաքներում տեղակայված էլեկտրակայաններին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Խմբի ղեկավար, լուսանկարիչ Ֆարուք Աքբաշը Հայաստանից արված լուսանկարների շարք է հրապարակել:
Որպես հիմնավորում նշվել է, որ «Վերադարձ» ֆոլկ խմբին արգելվում է ելույթ ունենալ «ահաբեկչության քարոզչության» համար։
Իսրայելի խորհրդարանի կողմից Արևմտյան ափի բռնակցման մասին որոշման դեմ 10 երկիր և մի քանի միջազգային կազմակերպություն համատեղ հայտարարություն են տարածել:
Հեռախոսազրույց են ունեցել Թուրքիայի ու Ադրբեջանի արտգործնախարարները:
Թուրքիայի նախագահն ասել է, որ փորձելու են ՌԴ-ի և ԱՄՆ-ի առաջնորդների հանդիպում կազմակերպել Ստամբուլում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |