Թուրքիայում ամեն 10 մարդուց 4-ը գրանցված է FaceBook սոցցանում

Հասարակական10:15, 08 Մարտ 2014

Թուրքիայում ամեն 10 մարդուց 4-ը գրանցված է FaceBook սոցցանում

Այն բանից հետո, երբ Թուրքիայի վարչապետ Ռեջեփ Թայիփ Էրդողանը հայտարարեց, թե հնարավոր է երկրում արգելափակվի «FaceBook»-ի և «YouTube»-ի հասանելիությունը, օրակարգ եկավ հասարակության անհանգստությունն այդ կապակցությամբ: Էրդողանն ասել էր, որ հարկ եղած դեպքում կարգելափակվեն նշյալ սոցիալական կայքերը: Իսկ նախագահ Աբդուլլահ Գյուլը, հայտնելով այդ հարցում ունեցած իր դիրքորոշումը, ասել էր դրանց արգելափակումն առայժմ օրակարգում չէ: Բակց, եթե այս հարթակների միջոցով հանցագործություն կատարվի, դատարանի որոշմամբ կարգելափակվեն:

Թեմային անդրադարձած թուրքական «Հաբերլեր» լրատվականը նշում է, որ Թուրքիան քայլ առ քայլ մոտենում է այն երկրներին, որտեղ վերոնշյալ սոցկայքերը ենթարկվել են արգելափակման:

Թուրքիայի համացանցի վերաբերյալ 2013 թվականին կազմված զեկույցի համաձայն` ամեն 10 քաղաքացիներից 4-ը գրանցված են «FaceBook» սոցցանցում, իսկ ահա աշխարհի մասշտաբով` ամեն 13 մարդուց մեկը: Միջին տվյալներով` նշյալ սոցկայքից Թուրքիայում օգտվում է ավելի քան 32 մլն մարդ: Իսկ ընդհանուր առմամբ համացանցից Թուրքիայում օգտվում է գրեթե 40 մլն մարդ:

Ermenihaber.am