Էրդողանը Սինգապուրի իշխանություններից քաղաքական ապաստա՞ն է խնդրել

Տարածաշրջան14:04, 07 Մարտ 2014

Էրդողանը Սինգապուրի իշխանություններից քաղաքական ապաստա՞ն է խնդրել

Թուրքիայի ընդդիմադիր «Ժողովրդահանրապետական կուսակցության» (ԺՀԿ-CHP) պատգամավոր Սեզգին Թանրըքուլուն փոխվարչապետ Բյուլենթ Արընչին գրավոր հարցում է արել` պարզելու կոռուպցիոն սկանդալի մեջ կառավարության ղեկավար Ռեջեփ Թայիփ Էրդողանի ներգրավվածության մասին:

«Թուրքիայի պատմության ամենամեծ կաշառակերության և կոռուպցիայի դեմ ուղղված օպերացիայի օրը` դեկտեմբերի 17-ին, Էրդողանի զանգահարել է որդուն և տեղեկացրել օպերացիայի մասին: Այնուհետև պահանջել, որ Քըսըքլի առանձնատան մեջ և 5 այլ տներում պահվող գումարները նա տեղափոխի այլ վայր: Դեկտմեբրի 18-ին այդ փողերը (դոլար, եվրո) միկրոավտոբուսներով տեղափոխվել են «Չալք Հոլդինգի» շենք: Այս ամենը համապատասխանո՞ւմ է իրականությանը»,- հարցրել է ընդդիմադիր պատգամավորը:

Բացի այդ Թանրըքուլուն հարցրել է, թե արդյոք ճիշտ են լուրերն այն մասին, որ Էրդողանին խորհուրդ են տվել այդ գումարները տեղափոխել և պահել հեռավորարևելյան երկրներից մեկում ու որ այդպես էլ արվել, թե չէ ինչու հունվարին Էրդողանն անսպասելիորեն որոշեց այց կատարել Հեռավոր Արևելք:

Պատգամավորը հարցում է արել նաև այն մասին, թե իրո՞ք Էրդողանը Սինգապուրի իշխանություններին է դիմել իր և ընտանիքի համար քաղաքական ապաստանի իրավունք ստանալու հարցով:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: