Էրդողանի հեռախոսազրույցի նոր ձայնագրություն է հայտնվել համացանցում

Տարածաշրջան09:40, 06 Մարտ 2014

Էրդողանի հեռախոսազրույցի նոր ձայնագրություն է հայտնվել համացանցում

Թուրքիայում վերջին մեկ ամսվա ընթացքում համացանցում հայտնվեցին Թուրքիայի վարչապետ Ռեջեփ Թայիփ Էրդողանին վերագրվող հեռախոսազրույցների ձայնագրություններ, որոնք մեծ աղմուկ բարձրացրեցին և բողոքի պատճառ դարձան:

Օրերս համացանցում հայտնվել է ևս մեկ ձայնագրություն, որը նույնպես վերագրվում է Թուրքիայի կառավարության ղեկավարն: Թուրքական «Հաբեր ա» լրատվական կայքի փոխանցմամբ՝ վարչապետ Էրդողանի զրուցակիցն այս անգամ Արդարադատության նախկին նախարար Սադուլլահ Էրգինն է (պաշտոնավարման ժամկետ` 2011-2013թթ.):

Խոսակցությունն ընթանում է Թուրքիայի Պետխորհրդի (բարձրագույն դատական ատյան) ընտրությունների շուրջ: Էրդողանն Սադուլլահ Էրգինց հարցուփորձ է անում Պետխորհրդի անդամ Նևզատ Օզգյուրի մասին: Մեկուկես րոպե տևած խոսակցությունից հետո Էրդողանը նախարարից պահանջում է, որպեսզի կառավարության համար կարևոր նշանակություն ունեցող պաշտոնը զբաղեցնող անձը շարունակի իր պաշտոնավարությունը:

Հիշեցնենք, որ փետրվարի 24-ին թուրքական մամուլում հայտնվել էր վարչապետ Ռեջեփ Թայիփ Էրդողանի և որդու՝ Բիլալ Էրդողանի գաղտնալսված հեռախոսազրույցների ձայնագրությունները, որոնք տեղի են ունեցել դեկտեմբերի 17-ին՝ այն օրը, երբ Թուրքիայում իրականացվել էր հակակոռուպցիոն խոշոր օպերացիա: Հեռախոսազրույցում Էրդողանը որդուն տեղեկացնում է, որ խուզարկություններ են տեղի ունենում և հրահանգում տանից փողերը տեղափոխել այլ տեղ` ի պահ: Այդ բացահայտումից օրեր անց համցանցում հայտնվեց 2-րդ ձայնագրությունը, որտեղ Էրդողանը որդու հետ քննարկում է Սըթքի Այան անունով մի գործարարից 10 միլիոն դոլար կաշառք վերցնելու թեման:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: