Իրավական14:31, 05 Մարտ 2014
Թուրքայում բանտարկված հայ մտավորականը բանտախցում քնում է բետոնածածկ հատակի վրա
Թուրքայում սույն թվականի հունվարին 2 տարվա ազատազրկման
դատապարտված պոլսահայ անվանի լեզվաբան, լրագրող Սևան Նիշանյանին մեկ շաբաթ առաջ
տեղափոխել էին Իզմիրում գտնվող խստացված ռեժիմով փակ գաղութ: Լուրեր են
շրջանառվում այն մասին, որ բանտախցում մահճակալ չլինելու պատճառով Նիշանյանը
ստիպված գիշերները քնում է բետոնածածկ հատակի վրա: Հայ մտավորականի իրավունքների
պաշտպանությամբ զբաղվող կոմիտեն, որի կազմում ընդգրկված են բազմաթիվ գրողներ,
լրագրողներ, արվեստագետներ, իրավապաշտպաններ, պատրաստվում է այդ հարցը
բարձրաձայնել միջազգային հանրության առաջ, քանի որ Նիշանյանի նկատմամբ կիրառվող «բետոնե անկողին» մեթոդը անձին
տանջանիք ենթարկելու բացահայտ դրսևորում է: Թուրքական «Բորսարթի» կայքի
տեղեկացմամբ` Նիշանյանին անգամ լոգանք ընդունելու հնարավորություն չեն տալիս:
«Նեսին» հիմնադրամի տնօրեն Ալի Նեսինի մեկնաբանմամբ` Նիշանյանին տեղափոխել են այլ բանտ, քանի որ նա բացահայտել էր բանտապահի կողմից իր կրեդիտ քարտը գողանալու փաստը:
Հիշեցնենք, որ դատարանը Նիշանյանի նկատմամբ ազատազրկման վճիռ էր կայացրել ապօրինի շինարարություն իրականացնելու մեղադրանքով: Բանն այն է, որ Նիշանյանն Իզմիրի Շիրինջե գյուղի սեփական հողակտորի վրա 60 քմ մակերեսով քարե տուն է կառուցել, որը, սակայն, իշխանությունների կողմից ճանաչվել է որպես անօրինական կառույց:
Ermenihaber.am
Այս ենթաբաժնի վերջին նորությունները
Թուրքիայում ազատազրկված անձանց թիվը ներկա դրությամբ հասնում է 362.000-ի։
Իտալական մամուլի տեղեկություններով՝ նրանք կասկածվում են «Մակկինա դի Սանտա Ռոզա» տոնին հնարավոր հարձակման նախապատրաստման մեջ։
Եթե 2020-ի դրությամբ Թուրքիայում քրեակատարողական հիմնարկների համալրվածությունը կազմում էր մոտավորապես 230.000, ապա այսօր այն գերազանցում է 266.000-ը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հանդիպմանը կողմերն անդրադարձել են նաև տարածաշրջանային հարցերի։
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Դա Թուրքիայում հանրային լայն քննարկումների առիրթ է դարձել։
Թուրքիայում ազատազրկված անձանց թիվը ներկա դրությամբ հասնում է 362.000-ի։
Թուրքիայի նախագահ. «Մենք կատեգորիկ թույլ չենք տա, որ խաթարվեն մեր փողոցները»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |