Հայերի ու հույների պատրաստած դռան կոչնակները Թուրքիայում գրավում են զբոսաշրջիկների ուշադրությունը

Հասարակական06:33, 04 Մարտ 2014

Հայերի ու հույների պատրաստած դռան կոչնակները Թուրքիայում գրավում են զբոսաշրջիկների ուշադրությունը

Թուրքիայի հարավ-արևմտյան Մուղլա նահանգի Մարմարիս շրջանի Քալե բնակավայրի 150-ամյա պատմական տները գրավում են զբոսաշրջիկների ուշադրությունը: Գրավիչ են հատկապես դռների երկաթյա կոչնակները, որոնք հայ և հույն վարպետների ձեռքի աշխատանքն են, յուրաքանչյուրը` արվեստի մի գործ: Ինչպես տեղեկացնում է թուրքական «Հաբեր յուրդում» լրատվական կայքը, բնակիչները շատ հաճախ ստիպված են լինում դռների վրայից հանել կոչնակները, քանի որ նրանց անհանգստություն է պատճառում այն, որ անցորդներն անընդհատ գալիս և հարվածում են:

Դռան կոչնակները հին տների կարևոր աքսեսուարներն են եղել և ամեն տան կոչնակ տարբերվել է մյուսից: Ասում են, որ տան անդամներից յուրաքանչյուրի հարվածը տարբերվել է և այդ կերպ տան ներսում եղածները գլխի են ընկել այցելուի ով լինելը:

Քալե բնակավայրի տների վերականգնողական աշխատանքներն իրականացնող ճարտարապետ Թաներ Քասափը նշել է, որ հայ և հույն արհետսավորներից ժառանգություն մնացած այդ կոչնակները թակելու տարբեր ձևեր են եղել. 2 անգամ թակելու դեպքում տան ավագն էր գալիս, 3 անգամ՝ փոքրներ էին գալիս, թակելու ուժգնությունը նույնպես իր նշանակությունն է ունեցել:

Ermenihaber.am