Թուրքիայի համար աղետալի զեկույց և արդյունքներ

Տնտեսական11:10, 04 Մարտ 2014

Թուրքիայի համար աղետալի զեկույց և արդյունքներ

«MEF» համալսարանի պրոֆեսոր Էրհան Էրքութը պատրաստել է զեկույց, որը պարզորոշ ցույց է տալիս, թե Թուրքիան ինչպիսի տեղեր է զբաղեցնում «OECD» (Տնտեսական համագործակցության և զարգացման կազմակերպության) համաշխարհային դասակարգումներում: Այս մասին տեղեկացնող «Ակտիվ հաբեր» լրատվականը նշում է, որ արդյունքները պարզապես աղետալի են Թուրքիայի համար:

Պարզվում է, որ մեկ անձին բաժին ընկնող եկամտի ցուցանիշով Թուրքիան զբաղեցնում է 65-րդ, մարդկային զարգացման ինդեքսով` 90-րդ, համաշխարհային մրցակցության ցուցանիշով` 56-րդ, մամուլի ազատության ցուցանիշով` 124-րդ, գործարարությամբ զբաղվո կանանց ցուցանիշով` 134-րդ, գենդերային անհավասարության ցուցանիշով` 120-րդ տեղերը:

Ընդգծվում է հատկապես այն իրողությունը, որ գլոբալ ինովացիոն ինդեքսով (ԳԻԻ) Թուրքիան զիջում է ինչպես Հայաստանին, այնպես էլ Հնդկաստանին, Ռուսաստանին, Հորդանանին, Թայլանդին: Նշենք, որ Հայաստանը 142 երկրների ցանկում զբաղեցրել է 59-րդ, իսկ Թուրքիան` 68-րդ տեղը:

Ermenihaber.am