Համացանցում է հայտնվել Էրդողանի և որդու նոր հեռախոսազրույցը

Տարածաշրջան14:31, 27 Փետրվար 2014

Համացանցում է հայտնվել Էրդողանի և որդու նոր հեռախոսազրույցը

«Youtube»-ում հայտնվել է նոր ձայնագրություն, որտեղ Թուրքիայի վարչապետ Ռեջեփ Թայիփ Էրդողանը որդու՝ Բիլալ Էրդողանի հետ քննարկում է Սըթքի Այան անունով մի գործարարից 10 միլիոն դոլար կաշառք վերցնելու թեման:

Թուրքական «Ինտերնետ հաբերի» հաղորդմամբ՝ ձայնագրության մեջ Էրդողանը որդուն ասում է . «Փողը մի վերցրու: Թող բերի այն, ինչը խոսք է տվել, հակառակ դեպքում հարկավոր չէ: Սա ի՞նչ մոտեցում է»:

Այս ձայնագրության մեջ այնքան էլ պարզ չէ, թե Էրդողանն այս խոսքերով կոնկրետ ինչ նկատի ունի, սակայն ձայնագրությունը տեղադրողները գրել են, որ թուրք վարչապետը նկատի է ունեցել, որ այդ գումարը քիչ է:

Հիշեցնենք, որ բացի վերոնշյալ ձայնագրությունից փետրվարի 24-ին ևս թուրքական մամուլում հայտնվել էր վարչապետ Ռեջեփ Թայիփ Էրդողանի և որդու՝ Բիլալ Էրդողանի գաղտնալսված հեռախոսազրույցների ձայնագրությունները, որոնք տեղի են ունեցել դեկտեմբերի 17-ին՝ Թուրքիայում տեղի ունեցած կոռուպցիոն սկանդալի օրը: Հեռախոսազրույցում Էրդողանը որդուն տեղեկացնում է, որ խուզարկություններ են տեղի ունենում և հրահանգներ տալիս որդուն` տանից փողերը հանելու ու զրոյացնելու վերաբերյալ:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: