Կիպրական հարցի բանակցությունների համար այսօր պատմական օր է

Տարածաշրջան07:42, 27 Փետրվար 2014

Կիպրական հարցի բանակցությունների համար այսօր պատմական օր է

Կիպրական հարցի լուծմանն ուղղված բանակցային գործընթացը մտնում է որակական նոր փուլ: Կողմերն այսօր կարևոր այցեր են իրականացնելու Անկարա և Աթենք. Կիպրոսից Անդրեաս Մավրոյանիսը մեկնելու է Անկարա` հանդիպելու Թուրքիայի փոխարտգործնախարար Ֆերիդուն Սինիրօղլուի հետ, իսկ Հյուսային Կիպրոսի Թուրքական (չճանաչված) Հանրապետության (ՀԿԹՀ) ներկայացուցիչ Քուդրեթ Օզերսայը Աթենքում հանդիպելու է Հունաստանի արտգործնախարարության գլխավոր քարտուղար Անաստասիս Միթսաիլիսի հետ: Օզերսայն Աթենքում քննարկման առարկա է դարձնելու կիպրոսաբնակ թուրքերի դեմ կիրառվող պատժամիջոցների հարց և փորձելու է աջակցություն ստանալ հունական կողմից:

Թուրքական լրատվամիջոցների գնահատմամբ` այդ այցերը նշանավորվում են պատմական եզակիությամբ, քանի որ, օրինակ, ՀԿԹՀ-ի պաշտոնատար անձի` Հունաստան կատարած այցը վերջին անգամ եղել էր 55 տարի առաջ, երբ կիպրոսաբնակ թուրքերի նախկին նախագահ Ռաուֆ Դենքթաշը մեկնել էր Աթենք:

«Հյուրրիյեթ» օրաթերթը նաև տեղեկացնում է, որ նախօրեին Կիպրոսի կրոնական համայնքների հոգևոր առաջնորդները մասնակցել են Շվեդիայի դեսպանատանը կազմակերպված հանդիպմանը: Ներկա են գտնվել ՀԿԹՀ-ի կրոնական հարցերի վարչության ղեկավար Թալիփ Աթալայը, Կիպրոսի հունական ուղղափառ եկեղեցու արքեպիսկոպոս Յուսեֆ Սոուֆը, հայ արքեպիսկոպոս Վարուժան Հերքելյանը և այլք:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։