Թուրքիայի խորհրդարանում միջադեպ է տեղի ունցել համացանցի մասին օրենքի քննարկման ժամանակ

Տարածաշրջան07:50, 26 Փետրվար 2014

Թուրքիայի խորհրդարանում միջադեպ է տեղի ունցել համացանցի մասին օրենքի քննարկման ժամանակ

Թուրքիայի նախագահ Աբդուլահ Գյուլը օրեր առաջ վավերացրել էր համացանցի մասին օրենքը: Սակայն հասարակությունում առաջացած դժգոհության ալիքի պատճառով որոշ կետեր ուղղարկվել էին Թուրքիայի խորհրդարան՝ փոփոխություններ կատարելու համար:

Թուրքական «Վաթան» թերթի փոխանցմամբ՝ մեջլիսն ընդունել է փոփոխությունների փաթեթը:
Համաձայն խորհրդարանի կողմից կատարված փոփոխության՝ hեռահաղորդակցության ոլորտը կարգավորող վարչության նախագահի՝ կապը արգելափակելու մասին որոշումը 24 ժամվա ընթացքում ներկայացվելու է դատարանի հաստատմանը:

Խորհրդարանում օրենքի քննարկման ժամանակ միջադեպ է տեղի ունեցել:

Ընդդիմադիր «Ժողովրդահանրապետական» կուսակցության պատգամավոր Մուսլիմ Սարը, անդրադառնալով վերջին երկու օրերին Թուրքիայի ամենաքննակվող հարցին՝ Էրդողանի և որդու՝ Բիլալ Էրդողանի հեռախոսազրույցին, նշել է. «Երբ ասում էինք, որ այս մեջլիսում գող կա, հենց այնպես չէինք ասում: Այո՛, գող կա»:

Ընդդիմադիր պատգամավորի խոսքերն առաջացրել են իշխող «Արդարություն և զարգացում» կուսակցությունը ներկայացնող պատգամավորների դժգոհությունը: Պատգամավորների միջև առաջացած վիճաբանությունը հարթել էին խմբակցության ղեկավարները:

Հիշեցնենք, որ համացանցում հայտնվել էր Էրդողանի և որդու հեռխոսացրույցի ձայնագրությունը, որտեղ Էրդողանը որդուն խորհուրդ է տալիս ձերբազատվել տանը գտնվող փողից:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։