Էրդողանի և որդու հեռախոսազրույցի ձայնագրությունը ցնցել է Թուրքիան

Տարածաշրջան12:31, 25 Փետրվար 2014

Էրդողանի և որդու հեռախոսազրույցի ձայնագրությունը ցնցել է Թուրքիան

Երեկ երեկոյան թուրքական մամուլում է հայտնվել վարչապետ Ռեջեփ Թայիփ Էրդողանի և որդու՝ Բիլալ Էրդողանի գաղտնալսված հեռախոսազրույցների ձայնագրությունները, որոնք տեղի են ունեցել դեկտեմբերի 17-ին՝ Թուրքիայում տեղի ունեցած կոռուպցիոն սկանդալի օրը:

Թուրքական «Ռադիկալ»-ի հաղորդմամբ «Մեծ կաշառք» անունը ստացած օպերացիայի օրը առավոտյան ժամերին Էրդողանը զանգահարել է որդուն և տեղեկացրել, որ սկսված օպերացիայի շրջանակներում խուզարկություններ է իրականացվում ու արդեն ձերբակալվել են 3 նախարարների որդիներ և հրահանգել, որպեսզի Բիլալ Էրդողանը տանից դուրս հանի փողերը: Մի քանի հեռախոսազրույցների ժամանակ Էրդողանը ցուցումներ է տվել որդուն փողերի զրոյացման վերաբերյալ:

Ձայնագրությունը մեծ աղմուկ է առաջացրել թուրքական մամուլում: Այս թեմայով արձագանքներ ու մեկնաբանությունները գնալով ավելի են շատանում:

Թուրքիայի կառավարության մամուլի ծառայություը արդեն հրապարակել է Էրդողանի արձագանքն այս թեմայով, ով ձայնագրությունը լկտիաբար մոտաժված և իրականության հետ կապ չունեցող ձայնագրություն է անվանել:

Թուրքական ընդիմադիր «Ժողովրդահանրապետական» և «Ազգայնական շարժում» կուսակցություններն էլ այդ դեպքից հետո արտահերթ ժողովներ են անցկացրել: «Ժողովրդահանրապետական» կուսակցության փոխնախագահ Հալուք Քոչն էլ հայտարարություն է արել, որում կողմ է արտահայտվել ձայնագրության իրական լինելուն՝ ավելացնելով, որ Էրդողանը կորցրել է լեգիտիմությունը և պետք է հրաժարական տա:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։