Եվրադատարանը մեղավոր է ճանաչել Թուրքիային և տուգանել 140 հազար եվրո

Իրավական12:51, 25 Փետրվար 2014

Եվրադատարանը մեղավոր է ճանաչել Թուրքիային և տուգանել 140 հազար եվրո

Մարդու իրավունքների եվրոպական դատարանը (ՄԻԵԴ) հերթական անգամ Թուրքիայի Հանրապետությանը մեղավոր ճանաչող դատավճիռ է կայացրել: Թուրքական պետությունը պարտավորվել է 70.000 եվրո որպես նյութական, նույնքան եվրո էլ որպես բարոյական փոխհատուցում վճարել տուժող կողմ հանդիսացող Քայմազների ընտանիքին: Իսկ ևս 3.000 եվրո Թուրքիան կվճարի կատարված դատական ծախսերի համար:

Եվրադատարանը Թուրքիային մեղավոր է ճանաչել 2004 թվականի Մարդին նահանգի Քըզըլթեփե շրջանում տեղի ունեցած բախումների ժամանակ Ահմեթ Քամազի և նրա 12-ամյա որդու` Ուղուր Քայմազի կյանքի իրավունքի ոտնահարման մեջ:

Հոր և որդու սպանությունից հետո տարածված պաշտոնական հաղորդագրության մեջ նշված է եղել, թե թուրք ոստիկանները վնասազերծել են երկու ահաբեկչի: Սպանություն կատարած ոստիկանների դեմ դատական հայց է ներկայացվել, բայց տուժող կողմի հայցը չի բավարարվել, իսկ դատարանի առջև կանգնած 4 թուրք ոստիկանների նկատմամբ արդարացման վճիռ է կայացվել` ինքնապաշտպանության փաստարկով:

Խնդրի լուծման իրավական ճանապրները Թուրքիայում սպառած Քայմազների ընտանիքը ճարահատյալ դիմել է եվրադատարան և 10 տարի անց հասել արդար դատավճռի:

Ermenihaber,am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։