ՏԻՄ ընտրություններ Թուրքիայում. Պոլսահայ Գայուշ Չալըքմանն Իշխանաց կղզիների քաղաքապետի թեկնածու է առաջադրվել

Տարածաշրջան10:44, 24 Փետրվար 2014

ՏԻՄ ընտրություններ Թուրքիայում. Պոլսահայ Գայուշ Չալըքմանն Իշխանաց կղզիների քաղաքապետի թեկնածու է առաջադրվել

Թուրքիայում մարտի 30-ին տեղի են ունենալու տեղական ինքնակառավարման մարմինների (ՏԻՄ) ընտրություններ: Թուրքական տարբեր կուսակցություններ իրենց ընտրացուցականերում ներառել են նաև հայկական համայնքի ներկայացուցիչների:

Իշխանաց կղզիներում «Ժողովուրդների դեմոկրատիա» կուսակցությունը քաղաքապետի թեկնածու է առաջադրել հայազգի Գայուշ Չալըքմանին: Այս կուսակցության կողմից նշյալ ընտրատարծաքի ավագանու անդամի 12 թեկնածուներից մեկը ևս հայ է: Ամենաշատ հայ թեկնածուներ առաջադրվել են Ստաբուլի Բաքըրքյոյի շրջանում: Բաքըրքոյում իշխող «Արդարություն և զարգացում», գլխավոր ընդդիմադիր «Ժողովրդահանրապետական», «Ազգայնական շարժում» և «Ժողովուրդների դեմոկրատիա» կուսակցությունների կողմից ընդհանուր թվով 8 հայ թեկնածու է առաջադրվել: Եվս 2 հայ թեկնածու առաջադրվել է Շիշլիի շրջանում «Ժողովրդահանրապետական» կուսակցության կողմից:

Թուրքական «Բուրսադա բուգյուն» լրատվական կայքը ուշադրություն է հրավիրում այն հանգամանքի վրա, որ այս ընտրություններին առաջադրված են նաև ոչ ավանադական սեռական կողմնորոշում ունեցող թեկնածուներ: Ընդհանուր առմամբ 8 հոգու առաջադրել են «Ժողովուրդների դեմոկրատիա» և «Ժողովրդահանրապետական» կուսակցությունները՝ յուրաքանչյուրը ներկայացրել է 4-ական թեկնածու:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: