Մահմութ Օվուր. «Նոր տեսակի Թուրքիայի առաջին ընտրությունները»

Տարածաշրջան08:36, 22 Փետրվար 2014

Մահմութ Օվուր. «Նոր տեսակի Թուրքիայի առաջին ընտրությունները»

Մարտի 30-ին Թուրքիայում անցկացվելու են տեղական ինքնակառավարման մարմինների ընտրություններ: Թուրքական «Սաբահ» օրաթերթի վերլուծաբան Մահմութ Օվուրը նշում է, որ այդ ընտրությունները «նոր տեսակի Թուրքիայի» առաջին ընտրություններն են լինելու: Ըստ նրա` հենց դրանից էլ կախված կլինեն հաջորդ ընտրությունների արդյունքները:

«ՏԻՄ ընտրությունները լինելու են ուղերձ են` հղված զինվորական բյուրոկրատիայից հետո ասպարեզ եկած կրոնական բյուրոկրատական ապարատին: Այդ իսկ պատճառով տեղական ինքնակառավարման մարմինների ընտրությունները փոքր-ինչ լարված կանցնեն: Իշխող «Արդարություն և զարգացում» կուսակցությունը (ԱԶԿ-AKP) փորձելու է պահպանել իր ուժը, իսկ ընդդիմությունն էլ շարունակելու է խորտակիչ հարվածներ հասցնել»,- գրում է Օվուրը:

Նշելով առաջիկա ընտրությունների առանձնահատկությունները` հոդվածի հեղինակն ընդգծում է, որ քրդերն առաջին անգամ փորձելու են իրենց հիմնարար հացրերը լուծել քվեատուփերի մոտ: Բացի այդ ընտրություններից հետո կնկատվի «բազմաձայն, բազմագույն» քաղաքականություն: Որպես ասվածի վկայություն` հեղինակն առաջարկում է աչքի առնել կուսակցությունների նախընտրական ցուցակների թեկնածուներին, այնտեղ կան երիտասարդներ, կանայք, տարբեր էթնիկ ինքնություններ ունեցող անձինք:

Նշենք, որ ընտրապայքարին մասնակցող ընդդիմադիր կուսակցությունների կողմից առաջադրված թեկնածուների շարքերում կան նաև ազգությամբ հայ Թուրքիայի քաղաքացիներ:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: