Էրզրումում փակվում է 90-ամյա հասարակաց տունը

Հասարակական14:14, 21 Փետրվար 2014

Էրզրումում փակվում է 90-ամյա հասարակաց տունը

Էրզրումում հասարակաց տան փակումը առաջացրել է աշխատակիցների դժգոհությունը: 90-ամյա հասարակաց տունը փակելու որոշումը կայացվել է «Վեներական հիվանդությունների դեմ պայքարի հանձնաժողովի» կողմից:

Հասարակաց տան դռները կողպել են` ասելով, որ դա կարող են վերաբացել այնպիսի մի վայրում, որտեղ մոտակայքում չեն լինի կրոնական, կրթական հաստատություններ, մարզասրահներ, խնջույքի վայրեր: Հայտնում է թուրքական «Sporthaber» լրատվական կայքը:
Տան աշխատակիցներից մեկը դժգոհելով ասել է. «Այսքան մարդուն օրվա հացով ո՞վ կապահովի. Նահանգապետը թե՞ հանձնաժողովը: Մեզ թող մի ճանապարհ ցույց տան: Հանկարծակի դուրս շպրտելով չի լինի: Բոլորս երեխաներ ունենք, թող մեր հասարակաց տունը բացեն: Թե՞ այս գործը փողոցում անենք»:
Կայքը նշում է, որ չնայած հասարակաց տան աշխատակիցների դժգոհություններին` տեղի բնակչությունը տևական ժամանակ է պայքարում է այն փակելու համար:

Էրզրումցի Հյուսամեթթին Չելիքը նույնիսկ հասարակաց տնից 200 մետր հեռավորության վրա մզկիթ է կառուցել` այն հույսով, որ մարմնավաճառ կանայք կլսեն Էզանի (աղոթքի կանչ) ձայնը ու կդադարեն մեղք գործել:

Ermenihaber.am