Zaman. «Էրդողանի ելույթների ժամանակ անհրաժեշտ է երեխաներին հեռացնել էկրաններից»

Տարածաշրջան15:08, 21 Փետրվար 2014

Zaman. «Էրդողանի ելույթների ժամանակ անհրաժեշտ է երեխաներին հեռացնել էկրաններից»

Թուրքական «Զաման» թերթը հորդորել է Էրդողանի ելույթների ժամանակ երեխաներին հեռացնել հեռուստաէկրաններից: Գյուլենական համայնքի հետ սերտ հարաբերություններ ունեցող թերթում հրապարակված անստորագիր հոդվածում կոչ է արվում Էրդողանի հեռուստաելույթների ժամանակ էկրաններին 13 + կամ առնվազն 7+ գրվի:

Կոչը հիմնավորվել է հետևյալ կերպ. «Վարչապետն այն մարդն է, ով իր պահվածքով ու խոսքով պետք է օրինակ լինի երեխաների ու երիտասարդների համար: Վարչապետին վայել չէ կոպիտ բառեր, զրպարտություն, սուտ ու հանրային բարքերին ոչ հարիր արտահայտությունները: Սակայն վարչապետը չի խորշում այդ ամենից: Այդ ելույթները ուղիղ եթերով հեռարձակվում են 10-15 հեռուստաալիքներով: Դա մեր երեխաների հոգեկան առողջության ու ապագայի համար ծայրաստիճան վտանգավոր է: Երեխաներին պաշտպանելու համար Ռադիոյի և հեռուստատեսության բարձրագույն խորհուրդը պետք է քայլեր ձեռնարկի` զգուշացնելով այն ալիքներին, որոնք հեռարձակում են ժողովրդին ատելություն ու վրեժի դրդող, վիրավորանքներ պարունակող այդ հայտարարությունները: Հեռուստատեսությունն այդ ելույթները հեռարձակելիս պետք է 13+ կամ առնվազն 7+ նշանը դնի էկրանին»:

Ըստ թերթի՝ եթե Ռադիոյի և հեռուստատեսության բարձրագույն խորհուրդը քայլեր չի ձեռնարկում, ապա այդ պարտականությունն ընկնում է ծնողների վրա: Նշվում է, որ վարչապետի՝ էկրաններին հայտնվելուն պես հայրերն ու մայրերը պետք է հեռացնեն երեխաներին էկրանների մոտից: Հակառակ դեպքում երեխաների մոտ անվերականգնելի հոգեկան տրավմաներ կարող են առաջանալ:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։