Չավուշօղլու. «ԱՄՆ վերջին երկիրն է, որ համացանցի մասին օրենքի հարցում մեզ պետք է խելք սովորեցնի»

Տարածաշրջան14:33, 20 Փետրվար 2014

Չավուշօղլու. «ԱՄՆ վերջին երկիրն է, որ համացանցի մասին օրենքի հարցում մեզ պետք է խելք սովորեցնի»

Թուրքիայի Եվրամիության (ԵՄ) հարցերով նախարար և գլխավոր բանագնաց Մևլյութ Չավուշօղլուն արձագանքել է համացանցի գրաքննության մասին օրենքի առնչությամբ ԱՄՆ-ի հայտարարություններին:

Թուրքական « NTV» հեռուստաալիքին տված հարցազրույցում Չավուշօղլուն, անդրադառնալով թուրք օրենսդիրների կողմից ընդունված օրինագծերի առնչությամբ Արևմուտքի քննադատություններին, նշել է. «ԵՄ մեր գործընկերներին ներկայացնում ենք մեր տեսակետները: ԱՄՆ վերջին երկիրն է, որ համացանցի մասին օրենքի հարցում մեզ պետք է խելք սովորեցնի: Համացանցի և մասնավորապես «Վիկիլիկսի» հարցում ԱՄՆ-ի սահմանափակումները բոլորին է հայտնի»:

Հիշեցնենք, որ ամերիկյան շուրջ 80 նախկին սենատորներ, դիվանագետներ, վերլուծաբաններ փետրվարի 19-ին բաց նամակ են հղել ԱՄՆ նախագահ Բարաք Օբամային՝ անհանգստություն հայտնելով Թուրքիայում տիրող իրավիճակի առնչությամբ:

Նրանք պահանջում են նախագահ Օբամայից որոշակիացնել ԱՄՆ դիրքորոշումը Թուրքիայում տիրող ներկայիս իրավիճակի հարցում:

Ըստ նրաց՝ Էրդողանը և իր «Արդարություն և զարգացում» կուսակցության ներկայացուցիչները չարաշահում են իրենց դիրքերը և վտանգի ենթարկեում օրենքի գերակայությունը: Իսկ Էրդողանն իր բռնատիրական գործողություններով և դեմագոգիայով վտանգի տակ է դնում թուրք-ամերիկայն հարաբերությունները:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: