Անկարայում բախումներ են եղել ցուցարարների ու ոստիկանների միջև

Տարածաշրջան13:56, 19 Փետրվար 2014

Անկարայում բախումներ են եղել ցուցարարների ու ոստիկանների միջև

Թուրքիայի մայրաքաղաք Անկարայում բախումներ են տեղի ունեցել քայլերթի դուրս եկած քաղաքացիների ու ոստիկանական ուժերի միջև: Ինչպես տեղեկացնում է «Սի Էն Էն թուրք» լրատվական ծառայությունը, Անկարայի կենտրոնում գտնվող Քըզըլայ հրապարակում հավաքվել են «Dev-Lis» կազմակերպության անդամները և «երկրում անվճար կրթություն կազմակերպելու պահանջով» քայլերթ իրականացրել դեպի իշխող «Արդարություն և զարգացում կուսակցության» (ԱԶԿ-AKP) կենտրոնական գրասենյակ: Քայլերթի մասնակիցները վանկարկել են ընդդիմադիր լոզունգներ:

«ԱԶԿ»-ի գրասենյակի մատույցներում բարիկադներով դիրքավորված ոստիկանները ցուցարարներից պահանջել են հնչեցնել իրենց հայտարարությունը և դադարեցնել ակցիան, քանի որ այն արտոնված չէ: Բայց բողոքի դուրս եկած քաղաքացիները հրաժարվել են կատարել ոստիկանության պահանջը և փորձել են շարժվել դեպի կրթության նախարարության շենք: Ոստիկանները փակել են նրանց ճանապարհը և բախումների տեղիք տվել: Ընդհարումից հետո ձերբակալվել է 8 ակտիվիստ:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: