ԵՄ-ն Թուրքիայի դատավորների ու դատախազների գերագույն խորհրդի մասին նոր օրինագծի հարցում մտահոգված է

Իրավական11:28, 18 Փետրվար 2014

ԵՄ-ն Թուրքիայի դատավորների ու դատախազների գերագույն խորհրդի մասին նոր օրինագծի հարցում մտահոգված է

ԵՄ-ն իր մտահոգություններն է հայտնել Թուրքիայի դատավորների ու դատախազների գերագույն խորհրդի (HSYK) մասին նոր օրինագծի վերաբերյալ: ԵՄ ընդլայնման ու հարևանության հարցերով հանձնակատար Շտեֆան Ֆյուլեի մամուլի խոսնակ Պետեր Ստանոն ասել է. «Օրինագծի վերաբերյալ մեր լուրջ մտահոգությունների մասին բազմիցս ասել ենք: Այս օրենքը Թուրքիայում իրավունքի գերակայության տեսակետից մեծ կարևորություն ունի: ԵՄ ամենամեծ մտահոգությունները կապված են նոր օրինագծով Արդարադատության նախարարին տրվող լիազորությունների հետ»:

Եվրոպացի մեկ այլ դիվանագետ էլ, նշելով որ իրենք ուսումնասիրելով օրինագիծը, նշել են այն կետերը, որոնք պետք է փոփոխե և հիմա պետք է տեսնեն, թե իրենց նկատողությունները ինչքանով են հաշվի առնվել: «Նախկինում մեր տեսած նախագիծը կոպենհագենյան չափանիշների և ԵՄ ստանդարտների տեսակետից բոլորովին գովելի չէր: Ինչ անում եք, արեք, միայն թե իրավական անկախությանը վնաս մի հասցրեք: Դա ձեզ համար հետքայլ կլինի և միանշանակ բացասաբար կազդի ԵՄ անդամակցության գործընթացի վրա» :

Նշենք, որ ընդդիմադիր կուսակցությունները պնդում են, որ Դատավորների և դատախազների գերագույն խորհրդին վերաբերող օրինագծի նպատակն է քողարկել դեկտեմբերի 17-ին բռնկված խոշոր կոռուպցիոն սկանդալի գործով հետաքննությունը, որի ընթացքում հարցաքննվել են մի շարք հայտնի գործարարներ, նախարարների որդիներ ու պետական պաշտոնյաներ, այդ թվում Թուրքիայի վարչապետ Ռեջեփ Թայիփ Էրդողանի որդին՝ Բիլալ Էրդողանը։

Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։