«Երիտթուրքերից մինչև օրս շարունակվում է հայերի ոչնչացման քաղաքականությունը»

Տարածաշրջան14:00, 18 Փետրվար 2014

«Երիտթուրքերից մինչև օրս շարունակվում է հայերի ոչնչացման քաղաքականությունը»

Թուրքիայում բնակվող ազգությամբ քուրդ քաղաքական գործիչ Ահմեթ Թյուրքը խորհրդարանական ընդդիմության մաս կազմող քրդական «Խաղաղություն և ժողովրդավարություն» կուսակցության (ԽԺԿ-BDP) կողմից Մարդին քաղաքում առաջադրվել է որպես թեկնածու մարտի 30-ին կայանալիք տեղական ինքնակառավարման մարմինների ընտրություններում: «ANF» լրատվական գործակալության թղթակցի հետ զրույցում Ահմեթ Թյուրքը նշել է, որ Մարդինում հաղթանակ տանելը ավելին է, քան զուտ ՏԻՄ ընտրություններում հաջողության հասնելը: Ըստ նրա` դա համաքրդական կարևորության ընտրություն է և հաղթանակի դեպքում պետք է իրագործվի քրդերի բանտարկյալ առաջնորդ Աբդուլլահ Օջալանի` Մարդինի հետ կապված ակնկալիքները:

«Սա սոսկ ՏԻՄ ընտրություն չէ. Մենք մեր քվեներով պետք է ամրապնդենք Օջալանի ձեռքերը: Մարդինը Մերձավոր Արևելքի մայրաքաղաքն է լինելու: Մենք Մարդինը դարձնելու են Մերձավորարևելյան բոլոր ժողովուրդների բարքերն ու կրոններն արտացոլող քաղաք»,- ասել է Թյուրքը: Նա ընդգծել է, որ քրդերին, արաբներին ասիմիլացնելու, հայերին ու ասորիներին ոչնչացնելու քաղաքականությունը երիտթուրքերից սկսած մինչև այսօր շարունակվում է գործադրվել:

Իրենց գլխավոր նպատակի` Քուրդիստանի և ժողովրդավարական ինքնավարության հասնելու մասին բարձրաձայնող քուրդ գործիչը պնդում է, որ թուրքական պաշտոնական գաղափարախոսությունն ուղղված է ազգային փոքրամասնությունների ինքնության ժխտմանը:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: