Թուրքիայում գտնվող պատմական հայկական տունը Եվրահանձնաժողովի կողմից հատուկ մրցանակ է ստացել

Մշակութային07:46, 17 Փետրվար 2014

Թուրքիայում գտնվող պատմական հայկական տունը Եվրահանձնաժողովի կողմից հատուկ մրցանակ է ստացել

Էդիրնեում գտնվող «Միհրան Հանըմ» հայկական պատմական տանը Եվրահանձնաժողովի և Europa Nostra կողմից հատուկ մրցանակ է շնորհվել:

Թուրքական «Սոնդաքիքա» լրատվական կայքի տեղեկացմամբ` մրցանակը շնորհվել է ամենամյա «Եվրոպայի պահպանության մրցանակներ» միջոցառման շրջանակներում: Մրցանակի հանձնման պաշտոնական արարողությունը տեղի կունենա սույն թվականի մայիսի 5-ին, Վիեննայում:

Նշենք, որ 109-ամյա պատմություն ունեցող կառույցի առաջին տերը եղել է հայ բժիշկ Մ. Մայիսյանը: Նա այս տունը օգտագործել է և որպես տուն, և որպես բժշկական կաբինետ: Այդ պատճառով էլ ժողովուրդի մեջ տունը առավել հայտնի է «բժշկի տունը» անունով»: 1938 թվականին տան տերը դարձել է բժշկի աղջիկը` Միհրան Մայիսյանը: Միհրան հանըմը (տիկին Միհրանը ) երկար տարիներ ապրել է այս տանը , այնուհետև կտակել տունը իր աղջկան` Ներգես Հանըմին, ում մահից հետո էլ տունը անցել է պետության ձեռքը:

Ներկայումս կառույցը պատկանում է թուրք գործարար Ջելալ Աջարին: Գործարարը տունը վերանորոգելուց հետո այն վերածել է հյուրանոցի` վերանվանելով այն «Միհրան հանըմ բուտիկ-հյուրանոց»:

Ermenihaber.am