Ալի Բայրամօղլու. «Հրանտ Դինքին սպանել է տվել Էրգենեքոնը»

Իրավական09:44, 15 Փետրվար 2014

Ալի Բայրամօղլու. «Հրանտ Դինքին սպանել է տվել Էրգենեքոնը»

Մի մոռացեք, որ Հրանտ Դինքին սպանել է տվել «Էրգենեքոն»-ը: Նման համոզմունք է հայտնել թուրք անվանի լրագրող Ալի Բայրամօղլուն: «Յենի Շաֆաք» պարբերականում տպագրած «Շարժական գիլյոտին» հոդվածում

Բայրամօղլուն բնութագրում է Թուրքիայի քաղաքական կյանքը` ասելով. «Քաղաքական դատերը, սպանությունները դարձել են Թուրքիայի քաղաքական կյանքի անբաժանելի մասերը: Իսկ այդ ամենի մասին գրելն էլ` լրագրողական կյանքի անբաժանելի մասը»:

Բայրամօղլուն նկատել է տալիս, որ Դինքի սպանությունից հետո էլ դարձյալ չեն դադարել սպառնալիքները և հանցագործությամբ գրիչ լռեցնելու փորձերը: Նշում է, թե ինչպես էր հունվարի 20-25-ը կիբեռհարձակման ենթարկվում «Ակոս»-ի կայքը: Հաքերները թերթի գլխավոր խմբագիր Ռոբեր Քոփթաշին ուղղված մահվան սպառնալիքներ էին տեղադրում կայք էջին: Խոսքն այնպիսի սպառնալիքների մասին է ինչպիսիք են «Հերթը քեզ է հասնելու, զգույշ քայլիր», «պետք է ստանաս քեզ արժանի մահը»:

Նշենք, որ «Էրգենեքոն»-ը Թուրքիայում գործող գաղտնի ծայրահեղական կազմակերպություն է, որը ենթադրվում է ստեղծվել է 2007 թվականի խորհրդարանական ընտրություններից հետո: Պարտված ընդդիմադիր աշխարհիկ ուժերը զինվորականների օգնությամբ փորձում են իշխանության գալ: «Էրգենեքոն»-ը համարվում է ներկայումս Թուրքիայում իշխող «Արդարություն և զարգացում» կուսակցության (ԱԶԿ-AKP) դեմ ուղղված քեմալական դավադրություն: Իսկ «Էրգենեկոն» անվանումը նախաթուրքերի բնակավայրի հին անունն է:

Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։