Փարիզում Հրանտ Դինքի հիշատակին նվիրված միջոցառում է տեղի ունեցել

Հասարակական09:55, 14 Փետրվար 2014

Փարիզում Հրանտ Դինքի հիշատակին նվիրված միջոցառում է տեղի ունեցել

Հրանտ Դինքի սպանության 7-րդ տարելիցի շրջանակներում օրերս Փարիզում հայ և թուրք համայնքների ներկայացուցիչների մասնակցությամբ միջոցառում է տեղի ունեցել: Միջոցառումը սկսվել է Հրանտ Դինքի այրու՝ Ռաքել Դինքի ելույթը ներառող կարճամետրաժ ֆիլմի ցուցադրությամբ:

Թուրքական «Թայմ թուրք» էլեկտրոնային լրատվականի հաղորդմամբ՝ միջոցառմանը մասնակցել է նաև Դինքի ընտանիքի փաստաբան Ֆեթհիյե Չեթինը, ով իր ելույթում ասել է. «Դինքի սպանությանը բոլորիս ականատես դարձրին: Սպանությունը պատրաստվեց և իրականացվեց բոլորիս աչքի առջև, մենք էլ բավարարվեցինք այդ ամենը դիտելով միայն: Այնպես ինչպես տարիներ շարունակ բավարարվել ենք այլ սպանություններին ու ցավերին հեռվից հետևելով»:

Թուրքիայի քաղաքացիների ասամբլեայի (ACORT) կողմից Փարիզի 10-րդբ թաղապետարանի շենքում կազմակերպված միջոցառմանը ելույթով հանդես են եկել նաև Հելսինկյան քաղաքացիական ասոցիացիայի Ֆրանսիայի ներկայացուցիչներ Բեռնար Դրեանոն և պատմաբան Քերամ Քեվոնիանը:

Ermenihaber.am