Թուրք լրագրողը` Թուրքիայի խայտառակ հետընթացի մասին

Տարածաշրջան09:01, 14 Փետրվար 2014

Թուրք լրագրողը` Թուրքիայի խայտառակ հետընթացի մասին

«Լրագրողներ առանց սահմանների» (Reporters Without Borders) միջազգային իրավապաշտպան կազմակերպության վերջին զեկույցի համաձայն`Թուրքիան մամուլի ազատության տեսանկյունից աշխարհի 180 երկրների շարքում զբաղեցրել էր 154-րդ տեղը: Թուրք հայտնի լրագրող Նեդիմ Շեները «Փոստա» պարբերականում հրապարակած հոդվածում անդրադարձել է նշյալ թեմային:

Շեները նման ցուցանիշը նախևառաջ ամոթալի է համարել հենց լրագրողների համար, ապա նոր պետության: Ընդգծում է այն հուսահատեցնող իրողությունը, որ Թուրքիան իր աղետալի ցուցանիշներով տարեցտարի հետ է գլորվում դեպի մամուլի անազատություն: Այսպես`

2005թ. – 98-րդ հորիզոնական

2006թ. – 100-րդ հորիզոնական

2007թ. – 100-րդ հորիզոնական

2008թ. – 103-րդ հորիզոնական

2009թ. – 123-րդ հորիզոնական

2010թ. – 138-րդ հորիզոնական

2011թ. – 148-րդ հորիզոնական

2012թ. – 154-րդ հորիզոնական

2013թ. – 154-րդ հորիզոնական

Համեմատություն անցկացնելով` հոդվածի հեղինակը խայտառակությու է համարել Թուրքիան մամուլի ազատության ցուցանիշով զիջում է անգամ Աֆղանստանին, որը զբաղեցնում է 128-րդ տեղում է, և Իրաքին, որը 153-րդ տեղում է:

«Այսինքն Թուրքիան, որ ջանում է մամուլի ազատության ցուցանիշով հնարավորինս մոտ լինել Եվրամիության երկրներին, դեռ մի բան է հետ է մնացել Իրաքից ու Աֆղանստանից»:

Շեները միևնույն ժամանակ նշում է, որ հարևան Հայաստանը (78) և Վրաստանը (84) իրենց ցուցանիշներով ևս առաջ են անցել Թուրքիայից:

«Չպետք է մոռանալ, որ մամուլի ազատության հետընթաց ունեցող երկրում չի կարող լինել ժողովրդավարական առաջընթաց»,- եզրակացնում է թուրք լրագրողը:

Ermenihaber.am