Էրդողանի և նախարարների որդիները դատի կտան դատախազներին

Իրավական14:11, 14 Փետրվար 2014

Էրդողանի և նախարարների որդիները դատի կտան դատախազներին

Թուրքիայի վարչապետ Ռեջեփ Թայիփ Էրդողանը հայտարարել է, որ դեկտեմբերի 17-ի «մեծ կաշառք» օպերացիայով զբաղվող դատախազները գործել են զուգահեռ կառույցի ( ամերիկաբնակ մեծահարուստ Ֆեթուլլահ Գյուլենի կրոնական համայնքը-խմբ.) կարգադրությամբ:

Թուրքական «Սաբահ» թերթը տեղեկացմամբ՝ Էրդողանը հատնել է, որ իր որդին և նախարարների երեխաներն այդ դատախազներին դատի են տալու՝ փոխհատուցման պահանջով:

Անդրադառնալով Ֆեթուլլահ Գյուլենի կողմից իրեն անիծելու մասին լուրերին՝ Էրդողանը նշել է, որ նրանց անեծքները իրեն չեն դիպչում, որովետև ազգն ի սրտե աղոթում է իր համար, որի շնորհիվ Ալլահն օգնում է: Իսկ քանի որ անիծողները մաքուր չեն, նրանց անեծքն անզոր է դառնում:

Հիշեցնենք, որ դեկտեմբերի 17-ին Ստամբուլում և Անկարայում ոստիկանության կողմից իրականացված հակակոռուպցիոն խոշոր օպերացիայի ժամանակ ձերբակալվել էին նախարարների ու գործարարների որդիներ: Ավելի քան 5 տասնյակ ձերբակալվածների թվում են եղել Թուրքիայի ներքին գործերի նախարար Մուամմեր Գյուլերի, Էկոնոմիկայի նախարար Զաֆեր Չազլայանի ու քաղաքաշինության նախարար Էրդողան Բայրաքթարի որդիները:
Էրդողանի որդու անունը նույնպես շրջանառվում էր կոռուպցիոն գործի մեջ: «Մեծ կաշառք» գործը վարող դատախազ Մուամմեր Աքքաշը Բիլալ Էրդողանին հարցաքննության ներկայանալու ծանուցագիր էր ուղարկել, որը հասցեատիրոջը չէր հասել:

Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։