Տարածաշրջան08:58, 13 Փետրվար 2014
Թուրքիան պատրաստվում է վերացնե՞լ Հայաստանի տնտեսական շրջափակումը
Թուրքական մի շարք լրատվական կայքեր գրում են, թե Թուրքիան պատրաստվում է վերացնել Հայաստանի շրջափակումը՝ հղում կատարելով «Ռուսաստանի ձայն» լրատվական ծառայությանը:
Վերջինին հարցազրույց տված քաղաքագետ Ստանիսլավ Տարասովը, հիմք ընդունելով Եվրամիության (ԵՄ) ֆինանսական աջակցությամբ Թուրքիայի արևելյան սահմանամերձ գոտիներում ականազերծման աշխատանքները, նշել է, որ Թուրքիան պատրաստվում է վերացնել Հայաստանի տնտեսական էմբարգոն:
Ըստ մասնագետի` պատճառները հետևյալն են.
- Արևմուտքը ճնշում է գործադրում ինչպես Անկարայի, այնպես էլ Բաքվի վրա: Հայաստանի հետ սահմանը բացելու կոչեր արել է Գերմանիայի կանցլեր Անգելա Մերկել, ում հետ վերջերս հանդիպել էր Թուրքիայի վարչապետը Գերմանիա կատարած այցի շրջանակներում: Նմանատիպ հայտարարություններ էին հնչեցրել նաև ԱՄՆ-ն, Ֆրանսիան և այլ արևմտյան պետությունները:
- Հայաստանը Թուրքիայի համար կարող է դառնալ Եվրասիական միության սահմանը:
Ռուսաստանի, Ղազախստանի և Բելառուսի կողմից ստեղծվող Եվրասիական Միությանը Հայաստանի ներգրավվումից հետո երկիրը կհամարվի Թուրքիա-Եվրասիական Միություն սահման:
Ինչպես ավելի վաղ տեղեկացրել էինք, ԵՄ ֆինանսական աջակցությամբ Թուրքիան պատրաստվում է Հայաստանի ու Իրանի հետ սահմանին տեղակայել սահմանային վերահսկողության ժամանակակից համակարգեր, իսկ Թուրքիայի արևելյան սահմանամերձ գոտիներում զինված ուժերի գլխավոր շտաբի և ներիքն գործերի նախարարության համատեղ կոորդինացմամբ սկսվել են ականազերծման աշխատանքները:
Նախագծի իրականացման համար պահանջվելու է ընդհանուր առմամբ 52 մլն 450 հզ եվրո գումար: Նախատեսվում է, որ այդ գումարի 75 տոկոսը վճարելու է Եվրամիությունը, իսկ մնացած մասը` Թուրքիայի պաշտպանության նախարությունը:
Ermenihaber.am
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
Ամերիկյան «New York Times» օրաթերթն ուշադրություն է հրավիրել Թուրքիայում աճող ավտորիտարիզմի վրա։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |