Թուրք գործիչը մտահոգված է Թուրքիայի ավտորիտարիզմով

Տարածաշրջան11:09, 13 Փետրվար 2014

Թուրք գործիչը մտահոգված է Թուրքիայի ավտորիտարիզմով

Թուրքիայում այժմ իշխող «Արդարություն և զարգացում» կուսակցության (ԱԶԿ-AKP) հիմնադիր անդամներից Էրթուղրուլ Յալչընբայըրը, ով նախկինում եղել է վարչապետի օգնական, խոսել է Թուրքիայի ներսում տիրող իրավիճակի մասին:

Ինչպես տեղեկացնում է թուրքական «Դողան հաբեր» լրատվական գործակալությունը, Յալչընբայըրը մտահոգություն է հայտնել Թուրքիայում ձևավորվող մամուլի անազատության, մարդու հիմնարար իրավունքների ուազատությունների առումով դեպի ավտորիտարիզմ ընթացող մթնոլորտի կապակցությամբ:

Յալչընբայըրը հիշեցրել է, որ Թուրքիայի վարչապետ Ռեջեփ Թայիփ Էրդողանը շուրջ 500 անգամ բարկացած հայտարարություններ է արել երկրում առկա զուգահեռ պետության վերաբերյալ:

«Եթե կա հանցագործություն, ապա թող պատժվի: Օրենսդրական, վարչական կարգավորումների կազմակերպման ու գործադրման իրավասությունները ձեր ձեռքին է: Զուգահեռ կառույցների թեման օրակարգ է նետվել` ուշադրությունը շեղելու իրական օրակարգից», - ասել է վարչապետի նախկին օգնականը: Նա ներկայիս վարչապետին կոչ է արել գործել հավուր պատշաճի. եթե կա հանցագործություն, հանցագործ ապա թող դատական մարմինները զբաղվեն ինչպես հարկն է:

«Իսկ եթե ունեք փաստեր, բայց դրանք մեջտեղ չեք բերում, որեմն վատ եք կատարում ձեր աշխատանքը: Եթե փաստեր ունեք, որ Ֆեթուլլահ Գյուլենը հանցագործ խմբավորում է ղեկավարում, փաստերով ապացուցեք, դատարանի վճիռ կայացրեք ու ԱՄՆ-ից էլ պահանջեք նրան արտաքսել ու վերադարձնել Թուրքիա»,- ընդգծել է Յալչընբայըրը:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։