Հրանտ Դինքի սպանության գործով նոր դատախազ է նշանակվել

Իրավական07:37, 11 Փետրվար 2014

Հրանտ Դինքի սպանության գործով նոր դատախազ է նշանակվել

Թուրքիայում «Ակոս» շաբաթաթերթի հիմադիր-խմբագրապետ Հրանտ Դինքի սպանության և Էրգենեքոնի գործերով նոր դատախազ է նշանակվել:

Թուրքական «Զաման» թերթը հայտնում է, որ նախկինում այդ երկու գործերով զբաղվում էր դատախազ Մուամմեր Աքքաշը, որի անունը կապված էր նաև դեկտեմբերի 17-ի «մեծ կաշառք» գործի վարույթի հետ:

Աքքաշը հեռացվել էր զբաղեցրած պաշտոնից և աշխատանքի նշանակվել Թեքիրդաղում: Աքքաշի հեռացումից հետո Էրգենեքոնի և Հրանտ Դինքի սպանության գործերը փոխանցվել են մեկ այլ դատախազի՝ Մուրադ Ինամին:
Թերթի տեղեկացմամբ՝ Ինամը կստանձնի Աքքաշի մյուս գործերը նույնպես:

2007 թվականի հունվարի 19-ին «Ակոս» թերթի խմբագրության առջև սպանված Հրանտ Դինքի դատավարությունը սկսվեց 02.07.2007 թվականին և ավարտվեց 2012 թվականի հունվարի 17-ին: Դատարանը մեղավոր ճանաչեց 19 մարդու: Դինքի սպանության կազմակերպիչ համարվող Յասին Հայալը ցմահ բանտարկության դատապարտվեց, անմիջական հանցագործ Օգյուն Սամասթը՝ 23 տարվա ազատազրկման:

2013 թվականի սեպտեմբերի 17-ին Ստամբուլում վերսկսվեց Հրանտ Դինքի սպանության նախապատրաստման մեջ մեղադրվող Էրհան Թունջելի դատը: Դատարանը ձերբակալության թույլտվություն տվեց, սակայն Թունջելին ազատ արձակվեց Դինքի սպանության գործով առաջին իսկ որոշումից հետո:

«Էրգենեքոնը» գաղտնի ազգայնական կազմակերպություն է, որը հաճախ նույնականացվում է խորքային պետության հետ:

«Էրգենեքոնի» կազմում ներգրավված են թուրք բարձրաստիճան զինվորականներ, քաղաքագետներ, քաղաքական գործիչներ: Նրանք մեղադրվում են հեղաշրջման փորձ կատարելու մեջ:

Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։