Թուրքիայի ՏԻՄ ընտրություններում չի բացառվում հայ թեկնածուների առկայությունը

Տարածաշրջան12:25, 11 Փետրվար 2014

Թուրքիայի ՏԻՄ ընտրություններում չի բացառվում հայ թեկնածուների առկայությունը

Թուրքիայի քրդական «Խաղաղություն և ժողովրդավարություն» կուսակցություն (ԽԺԿ-BDP) համանախագահ թեկնածուներ Սաբրի Օզդեմիրը և Գյուլիստան Աքելը Բաթման քաղաքում հանդիպումներ են անցկացրել տեղի լրատվամիջոցների ներկայացուցիչների հետ: Իրենց ընտրազանգվածին հղված ուղերձում թեկնածուները վստահեցրել են, որ առաջիկա ՏԻՄ (տեղական ինքնակառավարման մարմիններ) ընտրություններում հաղթանակելուց հետո ձեռնամուխ են լինելու ժողովրդավարական ինքնավարություն «կառուցմանը»: Ընդ որում նշյալ ժողովրդավարական ինքնավարությունը կվերաբերի ոչ միայն քրդերին, այլ նաև կրոնական ու լեզվական մյուս փոքրամասնություններին:

Ըստ թուրքական «Հաբերլեր» լրատվական կայքի` ԽԺԿ-ական թեկնածուները նշել են նաև, որ իրենց նպատակը Բաթման քաղաքը արդիականացնելն է և ժամանակի պահանջներին համահունչ դարձնելը: Նրանք նաև նշել են, որ փետրվարի 18-ին կհրապարակեն թեկնածուների ցուցակը, որտեղ ընդգրկված կլինեն նաև ազգությամբ հայեր, եզդիներ, արաբներ:

Հիշեցնենք, որ 2014-ի մարտի 30-ին Թուրքիայում անցկացվելու են ՏԻՄ ընտրություններ, իսկ ամռանը` նախագահական ընտրություններ:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։