Թուրքիան ծրագրում է 2014-ին ականազերծել ՀՀ-ի հետ սահմանակից ականապատ տարածքները

Տարածաշրջան08:53, 10 Փետրվար 2014

Թուրքիան ծրագրում է 2014-ին ականազերծել ՀՀ-ի հետ սահմանակից ականապատ տարածքները

Եվրամիության (ԵՄ) ֆինանսական աջակցությամբ Թուրքիան պատրաստվում է Հայաստանի ու Իրանի հետ սահմանին տեղակայել սահմանային վերահսկողության ժամանակակից համակարգեր:

Թուրքական «Աքշամ» պարբերականը տեղեկացնում է, որ Թուրքիայի արևելյան սահմանամերձ գոտիներում զինված ուժերի գլխավոր շտաբի և ներիքն գործերի նախարարության համատեղ կոորդինացմամբ սկսվել են ականազերծման աշխատանքները: Նշենք, որ «Առանց ականների Թուրքիա նախաձեռնություն» կազմակերպության կազմած զեկույցի համաձայն`2009 թվականի դրությամբ Թուրքիայի ողջ ականապատ տարածքներում կա շուրջ 1 մլն ական:

Ծրագիրն իրականացվելու է երկու փուլով:

1. Իրականացնել ականազերծման աշխատանքներ Հայաստանի և Իրանի հետ սահմանակից ականապատ տարածքներում (11 մլն 665 հզ 641 քմ):

2. Տեղակայել սահմանային վերահսկողության ժամանակակից համակարգեր, որոնց տեխնիկական հնարավորությունները թույլ կտան առավելագույնս կանխել ապօրինի միգրացիան և մաքսանենգությունը:

Նախագծի իրականացման համար պահանջվելու է ընդհանուր առմամբ 52 մլն 450 հզ եվրո գումար: Նախատեսվում է, որ այդ գումարի 75 տոկոսը վճարելու է Եվրամիությունը, իսկ մնացած մասը` Թուրքիայի պաշտպանության նախարությունը:

Ուշադրություն հրավիրելով Հայաստանի հետ սահմանային տարածքների ականազերծման և ավելի վաղ սկսված Ալիջանի սահմանակետի ճանապարհի ասֆալտապատման ու ընդլայման աշխատանքների վրա` «Աքշամը»-ը, հարց է բարձրացնում, թե արդյոք դա ենթադրում է սահմանի մոտալուտ բացում:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։