«Freedom House». Թուրքիայում ժողովրդավարությունը ճգնաժամի մեջ է

Տարածաշրջան14:24, 03 Փետրվար 2014

«Freedom House». Թուրքիայում ժողովրդավարությունը ճգնաժամի մեջ է

«Freedom House» միջազգային իրավապաշտպան կազմակերպությունը Թուրքիայում մամուլի ազատության վերաբերյալ զեկույց է պատրաստել, որտեղ նշվում է, որ երկրում մեդիան լուրջ ճնշման տակ է գտնվում:

«ժողովրդավարության ճգնաժամ. Թուրքիայում կոռուպցիոն սկանդալը, մեդիան և բռնությունը» կոչվող զեկույցում մասնավորապես ասվում է, որ Թուրքիայում ժողովրդավարությունը ճգնաժամ է ապրում, և դեկտեմբերի 17-ի կոռուպցիոն սկանդալից հետո լրագրողների հանդեպ ճնշումն աճել է :
«Այս ընթացքում մեծ թվով լրագրողներ կորցրել են իրենց աշխատանքը, ավտանգության ու դատական համակարգի հազարավոր աշխատակիցների աշխատատեղեր փոխվել են: Մի շարք ինտերնետային էջերի ու կայքերի մուտքն արգելափակվել է` առանց դատարանի որոշման»,- ասվում է զեկույցում:

«Freedom House»- բնորոշմամբ` Թուրքիայում ժողովրդավարության ճգնաժամը ոչ թե ապագայի հարց է, այլ հենց այս պահին առկա երևույթ է. վերջին 7 տարվա ընթացքում կառավարությունը իշխանության վրա մամուլի վերահսկողությունը փորձել է թուլացնել տարբեր ճանապարհներով ճնշում գործադրելով, ինչպես օրինակ` սպառնալիքները, լրագրողներին գործից հեռացնելը, մեդիա կազմակերպություներին հարկային պատիժնելով «դաստիարակելը» և այլն :

«Freedom House»-ը այս տակտիկան ժողովրդավարության համար անընդունելի է որակել: Զեկույցում նշվել է նաև կառավարության ճնշմամբ աշխատանքը կորցրած որոշ լրագրողների անունները :

Ermenihaber.am