Նախընտրական պատկերը Թուրքիայում. Էրդողանն առաջատար է

Տարածաշրջան10:08, 01 Փետրվար 2014

Նախընտրական պատկերը Թուրքիայում. Էրդողանն առաջատար է

Հանրային կարծիքի ուսումնասիրությամբ զբաղվող «Konsensus» ընկերությունը 2013-ի դեկտմեբրի 19-ից մինչև 2014-ի հունվարի 23-ը հետազոտություն է անցկացրել Թուրքիայի բոլոր նահանգներում (81)` պարզելու ընտրազանգվածի կողմնորոշվածությունը ՏԻՄ ընտրություններին ընդառաջ: Մարտի 30-ին Թուրքիայում տեղի են ունենալու տեղական ինքնակառավարման մարմինների ընտրություններ:

«Հաբեր թուրք» լրատվականի տեղեկության համաձայն` իշխող «Արդարություն և զարգացում» կուսակցության (ԱԶԿ-AKP) քվեներն ավելացել են: 2009 թվականի ՏԻՄ ընտրությունների արդյունքների համեմատ «ԱԶԿ»-ի համար արձանագրվել 2.9 տոկոսանոց աճ:

Ըստ սոցհարցման արդյունքների` մրցակցող քաղաքական ուժերը հետևյալ դիրքրեն են զբաղեցնում:

1. ԱԶԿ – 32 տոկոս

2. ԺՀԿ (Ժողովրդահանրապետական կուսակցություն) – 22.6 տոկոս

3. ԱՇԿ (Ազգայնական շարժում կուսակցություն) – 11.8 տոկոս

4. ԽԺԿ (Խաղաղություն և ժողովրդավարություն կուսակցություն) – 5 տոկոս

5. Այլ ուժեր – 5.3 տոկոս

Այն հարցին, թե որ քաղաքական ուժի առաջնորդից եք առավել գոհ կամ դժգոհ, հարցման ենթարկվածների մեծ մասը նախապատվությունը տվել է գործող վարչապետ Ռեջեփ Թայիփ Էրդողանին: Արդյունքները` ստորև.

1. «ԱԶԿ»-ի առաջնորդ Ռեջեփ Թայիփ Էրդողան – 44 տոկոսը դժգոհ է, 47 տոկոսը` գոհ:

2. «ԺՀԿ»-ի առաջնորդ Քեմալ Քըլըչդարօղլու – 56.1 տոկոսը դժգոհ է, 32.4 տոկոսը` գոհ:

3. «ԱՇԿ»-ի առաջնորդ Դևլեթ Բահչելի – 67.9 տոկոսը դժգոհ է, 19.3 տոկոսը` գոհ:

4. «ԽԺԿ»-ի համանախագահ Սելահեթթին Դեմիրթաշ – 77.2 տոկոսը դժգոհ է, 15 տոկոսը` գոհ:

Տոկոսային հարաբերության մնացյալը ոչ գոհունակություն են հայտնել, ոչ դժգոհություն:

Ermenihaber.am